المستفزة.. ياسمين عز تدافع عن شهد سعيد وتعلق علي أزمتها مع جنة عليوة
أثارت الإعلامية ياسمين عز جدلاً واسعاً بتعليقها على أزمة اللاعبة شهد سعيد مع زميلتها جنة عليوة في سباق الدراجات، حيث استضافت شهد سعيد لتتحدث عن تفاصيل القصة وما حدث يوم الواقعة.
تعليق ياسمين عز في برنامج كلام الناس
قالت ياسمين عز في برنامجها كلام الناس: "مصر كلها حكمت إن شهد الساحرة الشريرة غلطانة وجنة مظلومة، لكن عشان نحكم على أي موضوع لازم نسمع من الطرفين".
وأضافت: "ومينفعش نغلبهم بالصوت ونهيج الرأي العام ضد بنت عندها 19 سنة بتلعب في منتخب وعندها بطولة. أنت كده مش بتدمر نفسيتها أنت بتدمر نفسية كل زملائها اللي معاها في المنتخب. وأي فيديو بينتشر مفيهوش الحقيقة كاملة، وطالما إنك غير محترف لركوب الدرجات مينفعش تحكم زي المحترفين".
موقف سابق لياسمين عز ونصيحتها لشهد سعيد
ذكرت ياسمين عز موقفا حدث معها قائلة: "مرة حصل موقف ما وكان فيه فيديو معين أظهر واقعة معينة وأنا على علم إن الواقعة غير حقيقية واللي طلع خلى الناس تاخد رأيي. فكلمت شيخ من دولة عربية معروف قلت له إزاي الناس ممكن تشوف الحقيقة وهي مش حقيقة. قال لي عين الكاميرا حقيرة، وطالما اشغلتي المهنة دي وقبلتي إنك تظهري للناس لازم تتقبلي ده إلى أن يثبت العكس، فالمفروض نسمع من الطرف الآخر ونحكم إذا كان لينا حق الحكم، لأن في ناس تانية هم أصحاب القرار".
واختتمت ياسمين عز حديثها مع شهد سعيد بنصيحة قائلة: "اعتبريني أختك الكبيرة. لما يتحط اسمك في موضوع يدينك لازم تطلعي تردي وتختاري هتردي مع مين. لأن طول ما إنتي ساكتة الناس هتكون واخدة وجهة نظر الطرف الآخر، فلازم تردي علشان ده مستقبلك وحياتك".
اقرأ أيضًا:
