بعد تأجيل محاكمته.. القصة الكاملة لمقتل 3 مصريين بقطر على يد مبلط سيراميك
أجلت محكمة جنايات القاهره المنعقدة في مجمع محاكمة العباسية، ثاني جلسات محاكمة المتهم بقتل 3 مصرين بدولة قطر لجلسة 11 مايو القادم.
قتل 3 مصريين بقطر على يد مبلط سيراميك
القصة بدأت عندما تم القبض على المتهم في مطار القاهرة، بعد عودته من قطر هاربًا من جريمته حيث بينت التحريات أن الشاب يدعى ت م - يعمل مبلط سيراميك، وارتكب جريمة قتل 3 شبان داخل شقة في قطر.
وفور القبض عليه، باشرت نيابة حوادث شرق القاهرة التحقيقات في الواقعة، حيث أدلى المتهم بقتل 3 مصريين في قطر، واستمعت النيابة لأقوال شقيق أحد المجني عليهم في الحادث الذي وقعت أحداثه في شقة سكنية بدولة قطر.
اعترافات المتهم بقتل 3 من زملاءه في السكن في قطر
واعترف المتهم بجريمته وبدأ حديثه قائلًا: أنا سافرت قطر عشان أحضر كأس العالم، وبعدين قررت إني أهرب هناك، وفضلت موجود في قطر، وحاولت أدور على أي شغل لكن فشلت، وفضلت قاعد في الشوارع لحد ما قابلني 3 شباب إسمهم عبدالسلام وجمعة وعلي، وعرفوا حكايتي وقالولي إحنا ولاد بلد واحدة وهناخدك معانا الشقة.
وأضاف المتهم ت م في التحقيقات أمام النيابة: أنا قولتلهم مش معايا أي فلوس خالص، ومش لاقي مكان أنام فيه وروحنا الشقة كلنا، وجابولي أكل وبعدين قالولي هنحاول نشوف لك شغل، وساعتها عبد السلام وعلي كانوا بيدورا على شغل عشاني، لكن جمعة كان ديما قلقان مني ومش مرتاح لوجودي وفضلت قاعد معاهم لحد نهاية شهر رمضان.
وتابع: قاتل 3 مصريين في قطر باعترافاته: في أخر رمضان بلغوني أنهم مش لاقيين شغل وأنا لازم أرجع، وأنهم هيساعدوني في الرجوع وفعلا جمعة راح حجز لي تذكرة سفر للقاهرة، ورجع قالي إن ميعاد السفر رابع أيام عيد الفطر الساعة 6 الصبح، وبعدها خططت لارتكاب الجريمة عشان أسرق فلوسهم وأهرب.
وأردف: قبل السفر بكام ساعة روحت مسكت آلة حادة وقتلت بيها عبد السلام وأخوه جمعة وهما نايمين، وجمعت كل الفلوس والموبايلات بتاعتهم، وجيت أهرب لقيت علي صاحبهم داخل روحت قتلته هو كمان، وحطيت الجثث في أوضة وأخدت كل حاجة، وقعدت نضفت البيت كويس، وخرجت على المطار عدل وأول ما خرجت من مطار القاهرة اتقبض عليا.
وجاء أمر الإحالة أن المتهم يعمل مبلط سيراميك ويبلغ من العمر 43 عاما من عزبة المرجوشي - بهتيم- بمحافظة القليوبية، وقتل عمدا 2 من المجني عليهما خلال استضافتهما إياه بمحل سكنهم بسلاح أبيض ( سكين) وعاجلهما بطعنات نافذة استقرت بأنحاء متفرقة من جسدهما قاصدا قتلهما ما أحدث بهم الإصابات الموصوفة والمبينة بتقرير الطب الشرعي، والتي أودت بحياتهما على النحو المبين بالتحقيقات.
وأقترنت جناية المتهم بجناية أخرى تلتها، وهي أنه في ذات الزمان والمكان قتل عمدا المجني عليه عبد السلام محروس محمد مع سبق الإصرار والترصد؛ بأن بيت النية وعقد العزم المصمم على قتله، حسبما جاء في أمر الإحالة.
وكانت قد أحالت نيابة شرق بالقاهرة المتهم "ت م" بقتل 3 مصريين في دولة قطر إلى محكمة الجنايات المختصة.
وأوضحت التحقيقات أنه تم التنسيق مع الإنتربول والسلطات المصرية والقبض على المتهم بمطار القاهرة الدولى واقيتاده إلى النيابة العامة التى باشرت التحقيقات وقام بتمثيل الجريمة .
أقرا أيضًا:
حاولوا إخماد الحريق إصابة 7 أشخاص في حريق اسوان
ليست المرة الأولى.. القصة الكاملة للتحرش بالطالبات في جامعة خاصة بأكتوبر
