أحمد فهمي : ” شيكو بيحب الأكل وهشام ماجد ألماني وروبي نفسيتها فلة ”
حلّ الفنان أحمد فهمي ضيفًا على برنامج "جوسيبس" الذي يبث عبر مواقع التواصل الاجتماعي، حيث تحدث عن جوانب مختلفة من حياته الفنية والشخصية.
تطرق أحمد فهمي في حديثه إلى تفاصيل علاقته بزملائه الفنانين، فقال عن شيكو: "مش بيشبع، هو بيزهق وهو بيحب الأكل جدا". وعن أسماء جلال قال: "ذوقي في البنات كـ شكل".
أما هشام ماجد، فوصفه بأنه "ألماني جدا يعني لو في مخه أن النهاردة ينام الساعة 11 ولو القعدة بتضحك جدا يالا أنام دلوقتي حالا، مواعيده مظبوطة جدا".
وأضاف: "لو عندنا تصوير 6 الصبح في الفرنجة، بيصحوني أنا وشيكو بالترزيع على البيبان، وهشام 6 الا خمسة قاعد تحت زي الألمان بيفطر في المطعم".
روبي ولبلبة وأكرم حسني في عيون فهمي
كما تحدث فهمي عن الفنانة روبي قائلاً: "على الله خالص، وهي حد تاني خالص غير اللي على الشاشة، في حالها جدا ونفسيتها فلة وهي من أحسن الناس اللي اشتغلت معاها".
أما لبلبة، فقال عنها: "مش بتشوفني غير لما تشتكيلي من حاجة وتحس أنها طفلة عندها 6 سنين".
وعلق على علاقته بأكرم حسني قائلاً: "أكرم حسني خطر جدا أنا وهو نتساب في مكان مع بعض عشان بنعمل مشاكل سوا كبيرة".
هنا الزاهد تكشف تفاصيل طلاقها من أحمد فهمي
في سياق آخر، كشفت هنا الزاهد عن تفاصيل طلاقها من أحمد فهمي خلال لقاء لها ببرنامج "صاحبة السعادة".
قالت هنا الزاهد : "مكنتش اتخيل ان في حاجة اسمها طلاق، ربنا عارف اني مقدرش اتحملها جبهالي تمهيديا قبلها بـ 8 شهور لو كان حصل مرة واحده كنت هتعب اوي، أنا حساسة اوي و روتينية مبعرفش حاجة تتغير فجأة، بحس إني ساذجة أوي لازم اتخبط جامد عشان اختار وأركز بعد كده".
أضافت: "رسمت في دماغي فراشات وعائلة وبحب الأطفال جدًا لكن الواقع مكنش كده خالص كان عكس كل حاجه بحلم بيها والحياة مش كلها حلوة ومش اي حد تأمنيله أوي وتدخليه بيتك، دايما بتخيل اللي قدامي هيفكر زيي لحد ما يثبت العكس، الجواز مش راجل وست بس اتعلمت اني لازم ابص للعائلة، أنا بعد الطلاق كانت أصعب فترة عليا لكن منزلتش دمعة، وروحت قعدت مع أهلي عشان مكونش لوحدي ومكنتش بفكر ودايمًا راضية بأقدار ربنا وعارفة إنه في النهاية نصيب".
أحدث أعمال أحمد فهمي
من جهة أخرى، يشارك أحمد فهمي حاليًا في فيلم "عصابة المكس" الذي يعرض في دور العرض السينمائية.
تدور أحداث الفيلم في إطار كوميدي حول شخصية "المكسيكي" الذي اعتاد القيام بعمليات السرقة والتهريب وحده دون مساعدة، ولكنه يتورط في عملية كبيرة تحتاج للاستعانة بمجموعة تساعده في تنفيذها، لكنه يكتشف أن من اختارهم يورطونه في مشاكل تهدد نجاح العملية.
يضم الفيلم عددًا كبيرًا من النجوم والنجمات، منهم: أحمد فهمي، روبي، لبلبة، أوس أوس، حاتم صلاح، محمد لطفي، وغيرهم. الفيلم من تأليف أمجد الشرقاوي، ورامي علي، وإخراج حسام سليمان.
واقرأ أيضا
بعد هجوم والدة أحمد فهمي عليها.. حكاية 3 رجال في حياة هنا الزاهد
