محمد أنور يحكي عن رحلته الفنية من المأساة إلى الضحك
حل الفنان محمد أنور ضيفًا على بودكاست "فايق ورايق" مع الإعلامي إبراهيم فايق، حيث تحدث عن بداياته الفنية.
وذكر محمد أنور قائلاً: "عندي مواهب كتير وأنا في الجامعة مكنتش بمثل كوميدي، كنت بعمل حاجة جد ومسرحيات عالمية وباللغة العربية وحاجات صعبة جدًا".
حصار في الكوميديا
تناول أنور موضوع حصره في أعمال الكوميديا، على الرغم من بداياته التراجيدية، موضحًا: "لما طلعنا للاحتراف وبدأنا نعمل كوميدي وأستاذ أشرف عبدالباقي شافنا وأخدنا، البيعة اتباعت على أساس أننا بعمل كوميدي والمنتج بيتستهل مع أنه لو غير اتجاهك هتنجح جامد".
نجاح مسلسل سفاح الجيزة
وعن نجاح مسلسل "سفاح الجيزة"، أسند أنور الفضل للفنان أحمد فهمي قائلاً: "سفاح الجيزة نجاحه أن أحمد فهمي هو اللي عمله، لأن لو باسم سمرة اللي عمله كان هيبقى ده الطبيعي، لكن الفكرة أن أحمد فهمي كسر القواعد وقدمه فنجاح المنتج بقى الضعف، للأسف عندنا قوالب في الدراما والتمثيل إحنا شوفنا أيام سودة في البداية".
الحياة الشخصية
وفي حديثه عن حياته الشخصية، قال أنور: "أنا متعلق بأهلي وخاصة أمي لأن فرق السن بينا مش كبير هما 14 سنة وكانت علاقتنا مش أم وابن لكن اتنين أخوات مشاكل يعني، أمي مكنتش متعلمة فكنت برجع من المدرسة احكي لها كل اللي أنا درسته وكانت بتحب حصة الدراسات والتاريخ".
وأضاف: " أمي أخدت شهادة وحفظت القرآن بالتجويد ودلوقتي بتدرس قرآن لدكاترة ومهندسين، عندي حسابين في البنك بس على الأبيض لأني بجهز شقتي بقالي سنتين".
الإصرار على النجاح
واختتم أنور قائلاً: "الفقير عنده إصرار على النجاح أكتر من الغني، لأنه مفيش بديل يا ينجح أو هموت لكن الغني عنده بدائل كتير. لازم يكون عندي موهبة عشان أقدر أعيش أهلي في مستوى أحسن، مينفعش أبقى موظف وفضلت أسعى عشان اكتشف ايه هي موهبتي، أنا من المطرية وهي دي اللي صنعت شخصيتي".
واقرأ أيضا
