أحمد صيام يكشف كواليس دخوله عالم الفن وحياته الشخصية
قال الفنان أحمد صيام: "أتعامل مع الفن من باب حبي للتمثيل قبل أن تكون مهنة، ولكن أحيانا باضطر أشترك في أعمال فنية علشان محتاج فلوس".
تصريحات في برنامج "الستات"
وأضاف خلال لقائه ببرنامج "الستات" الذي تقدمه سهير جودة ومفيدة شيحة بقناة "النهار": "أنا مكنتش ناوي أحترف التمثيل علشان ماضطرش أعمل حاجات علشان أعمل فلوس أفتح بيها البيت وكنت مخطط لحياتي إني أفضل هاوي".
تحول من المحاسبة إلى التمثيل
ولفت: "أنا في الأساس محاسب ودي شغلتي الأساسية وأنا خرجت معاش مبكر، والفن والتمثيل بالتحديد مبيحبش ضرة وعلشان كده تفرغت للتمثيل".
قرار التركيز في التمثيل
وأشار أحمد صيام: "بعد أبو العلا البشري قررت أركز في التمثيل خاصة أن الناس وقتها بدأت تعرفني في الشارع".
واقع مالي ومفاهيم خاطئة
وتابع: "ليا أقاربي في البلد متخيلين إني باطلع في التليفزيون أقول كلمتين باشيل شوال فلوس وأنا مروح ومع الأعمال بيقولوا ده مليونير، وأنا في الحقيقية حسابي في البنك ميزيدش عن 15 ألف جنيه، والفلوس بالنسبة لي مصدر أعيش وانبسط وأخلي ولادي عينهم مليانة ومستمتعين وكده تمام".
رفض دور الشاذ جنسياً
وأوضح: "رفضت دور شاذ جنسيا لإن الحكاية فيها قناعات وأنا مقتنع أعمل ايه ومعملش ايه، والفن اختيار، ولما اتعرض على دور الشاذ كان عندي بنتين صغيرين وسألتهم فالاتنين قالوا لأ بلا تردد، قلت لهم طيب ما انتوا اتفرجتوا على خالد الصاوي وقلتوا ده شاطر فكان ردهم بس احنا مش ولاد خالد الصاوي، وأنا قبلهم كنت رافض الدور".
اقرأ أيضًا:
بالصور.. أحمد صيام وحامد مرزوق فى بلاتو مسلسل «بلا فلتر»
أحمد صيام رفقة عائلته ويعلق : ”لما ربنا يبقي كارمك قوي يبقي دي أسرتك"
