بعد 20 سنة.. إيهاب توفيق يكشف كواليس أغنية عامل عاملة
تحدث المطرب إيهاب توفيق عن كواليس أغنيته الشهيرة "عامل عاملة"، والتي قدمها في عام 2004، من خلال ألبوم "اسمك إيه"، وسر رفضه تقديمها في البداية.
تفاصيل أغنية عامل عملة
وقال المطرب إيهاب توفيق في لقائه ببرنامج "المجهول"، من تقديم رودولف هلال، إن "الأغنية بتاعة عامل عملة، كان فيها لفظ بيقول "حبي ليه مثبتني" قعدت 6 شهور، مش عايز أغني الأغنية دي عشان كلمة، "يثبتني" خايف أن اللفظ يكون تقيل، أو متكونش مناسبة أن الناس تسمعها".
وأضاف توفيق: "هو لفظ مفيهوش أي غلط، أو حاجة لكن كان جديد على السمع، ومش متعودين نقوله في مجتمعنا العادي".
إيهاب توفيق يتحدث عن انزعاجه من كلمات الأغاني الجديدة
وأكمل إيهاب توفيق عن انزعاجه، من كلمات بعض الأغنيات، والتي سمعها مؤخرا، وقال : "أنا بعترض على اللي بيتقدم حاليا، وعلى بعض الألفاظ اللي بتضايق في السمع، و متخلوش الناس تتربى، وتتعلم ويبقى طبيعي أنها تقول ألفاظ خارجة عشان بتتغنى كده، وفيه كلمات بيبقى فيها أمك، وأختك ومسبات".
اقرأ أيضا:
