”أوبر ابن مين في مصر ”عمرو أديب يهاجم شركات النقل الذكي
خلال الأيام الأخيرة شهدت شركات النقل الذكي حالة من الهجوم الشديد عليها خاصة بعد حادثة فتاة التجمع وعلق الإعلامي عمرو أديب على الجدل المثار بشأن شركات النقل الذكي في مصر، نتيجة تكرار حالات التجاوزات من قبل السائقين.
شركات النقل الذكي
ووجه عمرو أديب خلال برنامج «الحكاية» المذاع عبر فضائية «إم بي سي مصر» مساء الجمعة، بضرورة وجود وقفة تجاه تطبيقات النقل الذكي في مصر من أجل منع الحوادث التي انتشرت مؤخرًا.
مضيفاً بعد الحوادث الأخيرة، فوجئنا أن في ناس كتير طلعت واتكلمت إنها اتعرضت تعرضت لخطر بسبب شركات النقل الذكي وذلك بعد حادث أوبر الأخيرة الناس كلها بتقول وأنا كمان اتحرشوا بيا وأنا كمان حصل كذا وأنا عملولي كذا ليه بقى حضراتكم كنتوا ساكتين؟!».
عمرو أديب عن تطبيق أوبر
وأوضح عمرو خلال برنامجه: «في ناس بتشغل من الباطن في أوبر، ابنك ولا بنتك يركبوا من هنا والرحلة تتلغي علطول، وانت تقعد تقولي يا حلالي يا بلالي الواد فين؟ والبنت فين؟ إنتوا عايزين تكملوا كده كملوا إنتوا، أنا مش راجع، وأنا مكمل في الموضوع ده لوحدي، غير لما أشوف الناس واخدة حقها، فيه ناس ماتت".
