النهايات أخلاق رغم الإنفصال.. رسائل الغرام المتبادلة بين ياسمين عبدالعزيز وأحمد العوضي (فيديوجراف)
النهايات اخلاق.. هي الجملة التي حققها النجمة ياسمين عبد العزيز وأحمد العوضي، فبعد الضجة التي حدثت بين الاثنين، خلال الأيام الماضية، علي أنهم سوف يعدوا لبعض مرة أخري، فاجأ العوضي جمهوره بإعلان أنه لن يعود لـ ياسمين، وان مثلما ضرب المثل في الحب مع زوجته، يضرب المثل حاليا في الانفصال.
العوضي يتحدث عن انفصاله عن زوجته
كشف ي علي حسابه علي موقع التواصل الاجتماعي " فيس بوك " عن انتهاء العلاقة دي، وده بعد ما طلع اخوها وحاول يركب التريند ويقول أنهم هيرجعوا، وكتب العوضي بيان كبير شرح فيه اد ايه هو بيحب ياسمين عبد العزيز وأنهم مش هيرجعوا برضه وقال : " كل الإمتنان لياسمين اطيب وأجمل ما قابلت في حياتي وستفضل أيامي معها أجمل أيام عشتها في حياتي ومشوفتش منها الا كل طيبه وخير وكانت خير حبيبه وزوجه.. انا قلت قبل كده انها حبي الوحيد وبينا حب كبير وصل لكل اخواتنا وصدقوه .. وكلامنا واعترافنا بحبنا لبعض حتي بعد الانفصال .. يعني أن الطلاق مش معناه إنتهاء الحب ولكن معناه إنتهاء النصيب.. ولكن رجوعنا هو ( أمر خاص جدا جدا جدا) بيننا .
.
العوضي: عودتي لـ ياسمين موضوع خاص جدا
وكمل: "فالبيوت قبور لا يعرف ما بداخلها سوي قاطنيها ... وكانت رسالتنا لبعض قدامكم وانتو إخواتنا إن كل واحد فيها بيشيل مشاعر الحب بل العشق للتاني ... ولكن لو ربنا أراد لينا الرجوع هتتحق إرادته في ده ولو ماردش هيحصل ده برضه.. و إجابه للسؤال ( كل واحد منكم بيحب تاني مبترجعوش ليه ) فإجابتي هي السؤال نفسه ( لو هي كده ما كنا رجعنا فعلا ) ولكن زي ما قلت هي أمور خاصة جدا جدا ".
وكمل العوضي: "عهدنا بيكم وعهدكم بينا كان الإحترام في العلاقه ودلوقتي الإحترام في الانفصال .. أنا مقدر كل مشاعر اخواتي اللي حبو حبنا لبعض لكن رجاء كما قدرتم حبنا وكنتم شاهدين عليه قدرو قرارنا بالإنفصال فهو نصيب .. ولو احنا قدمنا ليكم نموذج طيب في الحب فإحنا بردو قدمنا ليكم نموذج طيب في أخلاق النهايات إعمالا لقول الله تعالي "وَلَا تَنْسَوُا الْفَضْلَ بَيْنَكُمْ ".
وائل عبد العزيز يكشف عن عودة شقيقته لـ أحمد العوضي
وكان الفنان وائل عبد العزيز، شقيق الفنانة ياسمين عبد العزيز اعلن عودتهم لبعض، وعبر عن سعادته الكبيرة بسبب فرحتها بعد عودتها ليه، وكانت الفنانة رشا سامي العدل، أعلنت ذلك أيضا.
وانهارت ياسمين عبد العزيز من البكاء على الهواء في برنامج صاحبة السعادة لإسعاد يونس بسبب كلامها عن جوزها السابق أحمد العوضي، وإعمالا بمبدا النهايات اخلاق، رفضت ياسمين تكشف عن السبب الرئيسي لوقوع الطلاق، لكنها أكدت أنه بعيد عن الخيانة وقالت: "بعيد عن إن فيه سبب من الأسباب ما ينفعش نتكلم فيه، ومش خيانة أقسم بالله مش خيانة، أنا مش هينفع أتكلم في تفاصيل والناس حبانا مع بعض وفيه ناس حقودين وبيوقعوا لأنهم ما يعرفوش يعنى إيه حب، وجواهم كره".
ياسمين عبد العزيز تتحدث عن طليقها أحمد العوضي
وقالت أنها معرفتش الحب الإ مع النجم أحمد العوضي :"أنا مع أحمد لما حبيته اكتشفت إن أنا ما كنتش بحب قبل كده، يعنى الحب اللي قبل كده أنا مكنش حب، وإن أحمد أول حب في حياتى وهو الحب الحقيقي".
وأكدت ياسمين عبد العزيز أنها سايبة موضوع عودتهم لبعضهم لله وأنها لو الأقدار مش هترجعهم لبعض فهي راضية بقضاء الله، وقالت:"أنا بسيب الحاجة على ربنا واللى عايزه يمشيني في أي سكة أنا بكون راضية حتى لو مش على رغبتي".
وقالت أنها لسه بتحب أحمد العوضي رغم طلاقهم، مُتابعة:"أنا مش بحب أحمد أنا بعشقه"، ووجهت عتاب للنجمة إسعاد يونس على سؤالها عنه وقالت لها:" انتي جايباني عشان أعيط وبتضحكي عليا بحاجات بتوجعني، ومش عارفة أنا بقيت رقيقة كده ليه، ما كنتش كده والله".
اقرأ أيضا:
بعد أنباء رجوعهم ... العوضي يكشف حقيقة عودته لـ ياسمين عبد العزيز
ربنا يصلح حالنا وحالكم.. شقيق ياسمين عبد العزيز يؤكد عودتها للنجم أحمد العوضي
