لبلبة: أصحابي كلهم ماتوا وانا مبسوطة إني أشتغلت معاهم
عبرت الفنانة لبلبة عن مدي حزنها بعد رحيل أصدقائها من الوسط الفني، وآخرهم الفنان الراحل صلاح السعدني، مضيفة أن المخرج عاطف الطيب صاحب الفضل في اكتشافها بطريقة مختلفة.
لبلبة تتحدث عن بدايتها الفنية
وأضافت لبلبة أثناء تكريمها على هامش تكريمها من مهرجان بردية لسينما الومضة في دورته الأولى وقالت: أنا مش محضرة كلمة، ومكنتش عارفة إني هتكلم، واللي في قلبي من غير ترتيب، إني بشكر المهرجان لتكريمي ودا شيء يسعدني جدًا، إنه يكون هو اللي بيقدملي ده على رحلتي، وشرف أما يبقى باسم عاطف الطيب، وهو اللي أعاد اكتشافي، وبعد ما كنت بضحّك الناس، بكيتهم بالفيلمين اللي عملتهم معاه.
لبلبة: ضد الحكومة من أجمل أعمالي
واكدت لبلبة: ضد الحكومة من أجمل أعمالي اللي قدمتها مع عاطف الطيب، وهو مكنش مبسوط مني في البداية، وكنت برجع أعيط لوالدتي عشان مش بيقولي هايلة بعد المشهد، ووالدتي قالتلي كلميه وأما كلمته أسأله أنت مبسوط مني قالي أيوة قولتله عشان المخرجين بيقولولي ممتاز، و بعد ما بخلص قالي طالما قولتلك اللي بعده يبقى عجبني".
وأضافت الفنانة لبلبة: أجمل أيام حياتي مع العبقري نور الشريف، وأنا محظوظة إني اشتغلت مع الكبار، وربنا اداني العمر، وعاصرت الكل، وأصحابي راحوا، وماتوا، وآخرهم صلاح السعدني، وإحنا بنعزي نفسنا لأنه كان حاجة عظيمة، وهو غالي عليا الله يرحمه ومش ممكن هننساه.
وحرص مهرجان بردية لسينما الومضة، برئاسة الكاتب عبد الرحيم كمال، على تكريم الفنانة لبلبة على مجمل أعمالها.
اقرأ أيضًا:
