لبني ونس تكشف لـ الموجز عن كواليس دورها في مسرحية روبانزل بالمصري
مسرحية روبانزل بالمصري.. كشفت الفنانة لبني ونس في لقاء حصري لجريدة "الموجز" عن كواليس دورها في مسرحية "روبانزل بالمصري ، مع حورية فرغلي والتي تشارك فيها مع كوكبة من النجوم.
تجسد الفنانة لبني ونس دور الساحرة العجوز الشريرة التي تقوم بحبس روبانزل في البرج للحفاظ علي شبابها ، وتحدثت عن مشاركتها قائلة :" اللي شجعني ارجع للمسرح تاني هو طاقة الشباب اللي شغالين معايا وشطارتهم ، وبسبب وجود الفنانة حورية فرغلي لأنها إنسانة جميلة و راقية جدا ".
وتحدث الفنانة لبني ونس عن كواليس العمل موضحة :" العمل بيبان نجاحه ويستمر من كواليسه ، واحنا كلنا أسرة واحدة في الكواليس وكلنا زي بعض مفيش حد أهم من التاني ".
لبني ونس : مش بخاف أعمل أدوار شريرة
صرحت الفنانة لبني ونس أنها لا تخاف من تقديم الأدوار الشريرة ، ولا تخاف من تغيير شكلها حسب متطلبات الشخصية ، وأضافت : "أنا لو جالي دور واحدة قرعة هحلق قرعة ، لو جالي دور واحدة معندهاش أسنان هسود أسناني ، وأي فنانة مش بتعمل كدة وبتخاف علي جمالها مش بعتبرها فنانة ".
لبني ونس : السوشيال ميديا أذتني وأذت بنتي
تحدثت الفنانة لبني ونس عن هجوم رواد السوشيال ميديا علي ابنتها آية شعيب بسبب هجومها علي المخرج محمد سامي و زوجته الفنانة مي عمر وقالت: "السوشيال ميديا بقت مؤذية ، احنا مكناش كدة احنا المصريين كنا بنداري علي عيوب وأخطاء بعض ، لكن دلوقتي بقينا نتصيد الأخطاء لبعض ، والسوشيال ميديا أذتني وأذت بنتي ".
الجمهور مكانش طايقني في العرض
تحدثت الفنانة لبني ونس عن ردود أفعال الجمهور علي المسرحية وأضافت: "الجمهور مكانش طايقني في العرض بسبب الشخصية الشريرة اللي بقدمها، ولكن انا قدمتها بشكل لايت وخفيف، فا هما فاهمين يعني والجمهور بيجي يتصور ويضحك معايا بعد العرض".
اقرأ اايضا:
حورية فرغلى لـ الموجز: أنا مليش فى المخدرات ومش هرفع قضية على بسمة وهبة دى عندها سرطان
اتهمته بحرق نجلها.. أول رد من محمد رمضان علي الفنانة لبني ونس
