لقاء سويدان تكشف كواليس أعمالها الفنية وسر خلافها مع ميدو عادل
تحدثت الفنانة لقاء سويدان أثناء حلولها ضيفة على بودكاست "Restart" عن تفاصيل خلافها مع الفنان ميدو عادل أثناء تقديمهما مسرحية سيد درويش.
مسرحية سيد درويش وخلاف ميدو عادل
وقالت عن خلافها مع ميدو عادل: هرد وباختصار لأن الموضوع أخد أكبر من حجمه من ناحية إني ممثلة مسرح وكنت الأولى على دفعتي لمدة أربع سنوات واشتغلت مع أعظم نجوم مصر في السينما والمسرح والتلفزيون من أول سعاد حسني وأحمد ذكي مروراً بأكبر نجوم موجودين واتوفوا".
وتابعت: "والفترة دي الحمد لله دي كلها اتربيت على حاجات معينه وأساسيات مقدرش أغيرها بمعنى مقدرش أكون في مكان وحاسة أن المسرح بيتهان "يعني لما نطلع نحيي الجمهور بشورتات" يبقى كدا بنهين المسرح وبنهين الناس لما نجيب أطفال نطلعهم في مشهد لا يصح ولا تليق بالأطفال يبقي كدا بنهين الطفولة لما نكون بتمثل فترة زمنية بتاعه سيد درويش سنة 1919 ناس بفساتين جنس وكوتشيات يبقي إحنا كدا بنهزر"، موضحة: "فكان عندي مشكله وتحفظات على أكتر من حاجة ومشكلة مع المخرج واحد المخرجين المنفذين و ميدو لإني اعترضت بشكل كويس أول مرة وتاني مرة وتالت مرة".
وأضافت: "لقيت مفيش أي استجابة وأنا كواحدة عارفة يعني ايه إلتزام ويعني إيه رولز تقدمت بشكوى للأكبر مني سلطة محصلش فصل فيها وتقدمت للشئون القانونية والكلام دا كان من يوم 16/8/2023 والشكوى أحيلت، إلى الشؤون القانونية يوم 26/8 والمشكلة حصلت يوم 23/9"، مشيرة: "يعني فيه شهر قبل المشكلة من المشاكل وحاجات كتير جدًا أنا مقدرش أطلع فيها لأننا مش في خناقة في شارع والبني آدم يرد بقدره يعني لما حد يشتمني أنا مش هرد زي الحد دا ماعمل أنا هرد بقدري".
سبب صفعها لـ ميدو عادل
وكشفت عن سبب صفعها لـ ميدو عادل، قائلة: "أنا لم أصرح بدا اللي قال هو الطرف الآخر وقال حاجات كتير قوي
أنا مقدرش أتكلم على أي حاجة حاجه غير قدام النيابة الإدارية ونقابة الممثلين ولما الموضوع تطور اتطريت الجأ إلى النيابة العامة لإن فيه حاجات لن اتهاون فيها، والرد قصاد اتهام دا في الشارع".
وأوضحت: "أنا عندي كل ما يثبت كلامي من صور وفيديوهات وشهود يثبتوا كلامي وعندي أدلة كتير جدًا مينفعش أخرجها السوشيال ميديا
لإني لجأت للقانون وحذرت كتير وقولت ياجماعة مينفعش كدا وإن عودتم عودنا والمخرج قال دي رؤية مخرج ولو دي كانت رؤيته مكنتش وافقت عليها من الأول لأن كان بقالها 4 سنوات ناجحة ومينفعش أشوف ناس بتحط تراب على الطبق اللي هتاكل منه وأقول دا هزار أنا اشتغلت مع أعظم النجوم في المسرح مع الأستاذ نور الشريف عمري ماشوفته بيقول إنتم كذا وأنا النجم مكنش الأستاذ نور كل يوم يعملنا اجتماعات وكل يوم ألاقي كلام جديد على المسرح بيتقال وتجاوزات أنا مقبلهاش".
وتابعت: "وحكاية الأطفال المعاقين دي حاجة لا يقبلها الله من فوق سبع سموات ودي حاجة عيب وأتحدى أي صورة أو فيديو إني بتعامل بشكل وحش مع الأطفال لما كانوا على المسرح والناس كلها كانت بتصور طلعولي صورة من موبيلاتكم إني عملت كدا"، مشيرة: "لو أنا شيطان بقرون وديل مش هعمل كدا مش بعمل كدا بيني وبينهم يبقى هعمل كدا قدام الجمهور".
واستكملت: "أنا لما جالي برنامج أول حلقة عملتها في برنامجي كانت عن ذوي الاحتياجات الخاصة ونشاطاتي في الموضوع دا بقالها سنين وأن دا يحصل دا معمول بقصد، علشان تصدر صورة سيئة عني أنا بقالي 39 سنة بشتغل ومفيش حاجه هتهدني بالسهولة دي".
لقاء سويدان: حسني صالح وراء ترشيحي لـ”قلع الحجر”
وتحدثت الفنانة لقاء سويدان عن تفاصيل مشاركتها في موسم دراما رمضان 2024، من خلال مسلسل قلع الحجر للمخرج حسني صالح، وتأليف أحمد وفدي.
كواليس ترشيحها لدورها في مسلسل قلع الحجر
وقالت لقاء سويدان: المخرج حسني صالح أول من رشحني للمشاركة في “قلع الحجر”، فقد عملنا سويًا من قبل في مسلسل خلف الله عام 2013، للنجم الراحل نور الشريف".
وأضافت: أسرة مسلسل قلع الحجر تم التصوير في الأقصر والنوبة تحديداً بإحدى القرى التي تقع بين المدينتين، بعد أن تم تصوير المشاهد الداخلية داخل ستوديو السمنودي بمنطقة شبرامنت".
وتابعت: أجسد دور “مطرية” التي تنتمي إلى عائلة العمامرة، وهي إحدى العائلات الكبرى في الأقصر، والمتمثلة في الفنان القدير عبد العزيز مخيون، والنجمة سوسن بدر التي أكرر التعاون معها بعد النجاح الكبير الذي حققناه معًا في مسلسل البيت الكبير الذي عُرض عام 2018".
لقاء سويدان تتحدث عن عشقها اللهجة الصعيدية واتقانها
قالت إن الدتها صعيدية وجدها وجدتها للأم صعايدة، أما عن اللغة المستخدمة في مسلسل "قلع الحجر" من أصعب اللهجات اللي أول مرة تشتغل بيها وكل ما دخلنا جوة السعيد اللغة بتكون أغمق".
وأوضحت:"في القاهرة بنعتقد أنهم تخلو عن اللهجة بتاعتهم لكن ممكن يغيروا في اللبس والتعامل الا أنهم محافظين علي لهجتهم لهجة الصعيد الجواني".
وأكملت: "بيقولو دائمًا كلمة البلد مش بيقولوا المدينة يعني شرق البلد وغرب البلد اللهجات بتختلف ممكن تلاقي شارع بيتكلم بلهجة والشارع التاني بيتكلم بلهجة تانية خالص
بتيجي بدري اللوكيشن وتقعد مع مصحح اللهجة وتركز قوي في نطق الحروف وأنها عاوزة تقولها زي جده وجدته يعني تقولها بأصعب حاجة، بهتم بالتفاصيل لإني برج الأسد".
استعانتها بجدتها لتجسيد مشهد
وأشارت: "دائمًا صورة جدتي بلبسها قدامي وبستدعي أوقات كتير اتقاني لمشاهد معينه بمواقف مشابهة ليها زي طريقة اللبس وربطة الطرحة بطريقة معينة"، موضحة: "وفيه مشهد في مسلسل البيت الكبير عملتوا زي جدتي بالظبط كان عندها ابن توفى وكانت قاعدة لوحدها بتنعي بطريقة معينة، عملت نفس المشهد مثل ما رأيت جدتي في الحقيقية بتعملوا كانت قاعدة بتعدد كأنها بتغني كدا"
لقاء سويدان: اتعرض عليا أدوار كتير وأنا في المعهد وكان معظمها إغراء
وقالت لقاء سويدان عن الأدوار التي عرضت عليها أثناء دراستها: "أتعرض عليا أدوار كتير جدا وانا في المعهد، ومعظم الأدوار كانت إغراء وكنت برفضها لإني كنت طويلة وملامحي توحي بإني أكون ممثلة إغراء ولكن كنت برفض
وكانت السينما في الوقت دا مفتوحة أكتر ومشاهد اجرأ عكس الفيديو كانت التلفزيون قناتين فقط وتحت رقابة شديدة ومش ندمانة خالص لرفضي هذه الأدوار رغم أن فيه منها كانت مهمة جدًا".
وتابعت: "في الفترة دي كان عندي مشكلة وهي طولي لأني أنا طولي 175 والممثلين الأبطال في الفترة دي كانوا قصيرين عني".
حبها للعائلة وتركها الفن
وعن نظام الشللية في الوسط الفني، لقاء سويدان: "أنا ظلمت نفسي أنا إنسانة اجتماعية قوي ونفس الوقت منعزلة بمعنى بيجي وقت أحب أقعد مع عيلتي واختارت أكون اوفر مرحلة زمايلي كانوا مركزين في الشغل كان في بالي الفنان القدام اللي ماخلفوش فكانت بخاف"، موضحة: "وكان نفسي أخلف 4 ولا 6 أولاد زي عائلتي كلهم بيخفلوا كتير، رغم حبي لمهنتي ولكن العائلة والأسرة هي نمبر وان بالنسبة لي
وفي فترة الانتشار بنتي كانت محتاجه لي لأن معندهاش أم غيري والفن ممكن عدم وجودي غيري ألف هيعوض مكاني
لكن أنا معنديش غير بنتي وبنتي مالهاش غيري ولو عمري جري دون الاستماع لبنتي في كل مراحلها هكون فشلت كـ أم وإنسانيًا".
وأضافت: "ولما تزوجت أبو بنتي والجواز اللي بعد كدا أنا ست بنغرز في بيتي بحب حياة الأسرة وأطبخ وأدير بيتي وجمال الست أنها تكون ست في بيتها".
اقرأ أيضًا:
