قتلوه بطلق خرطوش.. تفاصيل الواقعة المأساوية في شبرا الخيمة
شهدت منطقة شبرا الخيمة " المنشية " واقعة مأساوية في شهر رمضان المبارك بعد الافطار مصرع علاء على يد 3 متهمين بطلق خرطوش بسبب دفاعه عن شقيقه الذي تعدوا عليه بالضرب ويكشف لنا والد علاء المجني عليه تفاصيل الواقعة بـشبرا الخيمة التابعة لمحافظة القليوبية.
القصة الكاملة في واقعة مقتل علاء بطلق خرطوش بشبرا الخيمة
قال والد المجني عليه علاء: اللي حصل أن ابني صغير كان راكب أتوبيس رحلات وأثناء سيره وجد 3 متهمين بدراجة نارية أمام أتوبيس عارزين يتعطلو حركة سيره عمدا وبعدها حصل مشدة كلامؤة بينهمت ونشبت مشاجرة واتعدوا على ابني بالضرب راح مكلم علاء المجني عليه ونزل يحل بينهم وقال جملة واحدة كل سنة وانت طيبين احنا في ايام مباركة بس المتهمين معجبهمش الكلام وانتهت على كدة ومشينا خلاص.
وأضاف والد المجني عليه علاء : بعد شويه لقيت دوشة ببص لقيت اكتر من 30 شخص داخل الشارع ومعاهم سلاح واتعدوا على علاء ابني بشتائم والألفاظ المهم علاء اضايق واتعصب ورد عليهم علشان صعب عليه نفسه جاين لحد عندنا يتهجموا علينا برغم أنهم غلطانين وانا هديت الموضوع وكنت هروح عند الناس ونحاول نحل بينهم علشان مش عايز مشاكل احنا في حالنا وللأسف معجبهمش الكلام والنهاية ابني راح ضحية
مصرع علاء على يد 3 متهمين بطلق خرطوش في شبرا الخيمة
وتابع والد المجني عليه علاء: لقيت المتهم الاول بيشتم علاء وابني سكت والمتهم التاني شتم ابني علاء مسكتش ورد عليه لقينا المتهم بيرفع عليه السلاح علاء بيقوله انت بترفع عليه السلاح قاله واقتلك كمان انا جبت كرسي ارفعه واضرب المتهم علشان ينزل السلاح ده ملحقتش والله ببص لقيت طلقة اضربت ولقيت ابني وقع في الأرض جرينا بعلاء ابني وروحنا المستشفى على بعد العشاء ابني كان توفى انا مكنتش عايز مشاكل والموضوع مش مستاهل انا بطلب القصاص عايز حق ابني علشان هو معملش حاجه الدنيا مش سايبه كل واحد ماشي بسلاح يقتل في خلق الله احنا مش في غابه.
والد المجني عليه انا عايز حق ابني ميستهلش يموت كدة
حيث كانت البداية عندما تلقت الأجهزة الأمنية بمديرية أمن القليوبية إخطارا من مأمور القسم يفيد بورود بلاغا من المستشفى يفيد بإصابة شاب بطلق وعلى الفور لفظ أنفاسه الأخيرة متأثرا بجراحه.
وكشفت التحريات بقيادة المقدم أحمد عصر- رئيس مباحث قسم شرطة أول شبرا الخيمة حدوث الواقعة أثناء مشادة كلامية بين طرف أول المتهم ويدعى "كريم" وشهرته "معزة"، سائق، وطرف ثانى المجنى عليه، سائق، تطورت إلى مشاجرة بالأسلحة النارية بمنطقة المنشية بدائرة القسم، قام خلالها الطرف الأول بإطلاق عيار نارى من بندقية خرطوش أدى إلى وفاة المجني عليه متأثراً بإصابته.
وعقب تقنين الإجراءات بقيادة الرائد محمود صبري والنقيب أدهم الحسينى والنقيب محمد الحسينى والنقيب محمد الجزار، معاونو رئيس المباحث تم ضبط المتهم وبحوزته السلاح الناري وتم تحرير محضر بالواقعة وتولت النيابة العامة التحقيقات وامرت بحبس المتهم 4 ايام على ذمة التحقيقات.
اقرأ أيضا.. بيبو ضحية الشرف راح أثناء دفاعه عن خطيبته.. شقيق المجني عليه يكشف التفاصيل
عاجل.. تفاصيل مثيرة في واقعة مقتل ممرضة أكتوبر علي يد زوجها بسبب ياميش رمضان
