هشام ماجد: أحمد الفيشاوي وقف معانا وقفة جدعنة وساعدنا في بدايتنا
علق الفنان هشام ماجد على اقاويل امير مرتضى منصور على صفقات الزمالك قائلًا: "امير مرتضى بيهزر واحمد مدبولي انا قلتله كويس، لكن الصفقات مبتتعملش كده، وفي الفترة دي جابوا لاعيبة كويسة، عبدالله السعيد لاعيب كويس وكان ناقص الزمالك، وبحب فتوح وزيزو ومثلوثي".
وقال هشام ماجد، خلال استضافته ببرنامج "أسرار" مع الإعلامية أميرة بدر المذاع على قناة النهار: "نفسي اشوف عبد المنعم في الزمالك ومروان عطية وعلى معلول وإمام عاشور والشناوي، بشجع الزمالك وبحترم الأهلي، وبحب اتفرج على مدحت شلبي ورضا عبدالعال وميدو وشوبير وابراهيم فايق وعبد الجواد، بحب السينما والكورة لكن مبفهمش في السياسة، واكتر حاجة بحبها بناتي وعيلتي، وبعدهم شغلي".
هشام ماجد: كبريائي منعني اقبل حاجات مش كويسة بفلوس
كشف الفنان هشام ماجد عن موقف احمد الفيشاوي في بداية العمل الفني ومساعدته لهم قائلًا: "كبريائي منعني اقبل حاجات مش كويسة بفلوس كتيرة او اني اسيب منتج عشان اروح لمنتج تاني فلوسه اكتر، والكبرياء شبه العند وانا برج الطور وساعات اعند عشان مرجعش في كلمتي، وكان زمان يخليني ماعتذرش، لكن دلوقتي كبرت وفهمت، اتأسفت لناس كتير زي مراتي وأمي، وكلمه اسف مش عيب بالعكس بتكبرك".
وقال هشام ماجد، : "الفيشاوي اكتر حد وقف معانا وقفة جدعنة كنا لسه مش معروفين وهو كان نجم اوي ساعتها ومازال نجم، وافق على كل حاجة مقابل انه يقف جنبنا، وشايله ده جدًا، وهو مش مظلوم فنيًا لانه بيعمل أفلام كتير ممكن يكون ناقصة يعمل مسلسلات".
هشام ماجد: من صغري وانا نفسي ابقى مشهور ومؤثر
علق الفنان هشام ماجد على مقارنة بين مهنة الهندسة والتمثيل قائلاً: "من صغري نفسي ابقى مشهور كنت بتفرج على اللاعيبة والممثلين واقول نفسي ابقى مؤثر اوي، واكتشفت موضوع التمثيل متأخر ودخلت هندسة، ومكنتش محتاج التمثيل ماديًا، المهندس بيبقى شايف نفسه فوق الناس، رغم ان هما ناس عادية جدًا، وفيه مهندسين تعبانين واغبياء،
وقال هشام ماجد،: "مصطفى غريب شاطر وبيستغل الفرص الحلوة، وكان دوره صغير وعمل لنفسه مساحة كبيرة، وعدد مشاهده كانت اقل من كده، وابتدى يطلع لزمات وسكة للدور، والاستاذ خالد وشيرين سابوه يعمل كده".
هشام ماجد: شهوتي شراء الجزم انا والمخرج عمرو سلامة
كشف الفنان هشام ماجد عن رأيه في الأعمال الفنية الحالية قائلًا: "بكره الاعمال اللي بيبقى فيها نجم وكله بيخدم عليه، بحب كل الموجودين له لازمة ومهم في المشهد، وبحاول اعمل كده، وده بيدي للعمل قيمة اكبر، بيبقى فيها هات وخد، يعني لو شفنا فيلم الناظر كلهم بيضحكوا وليهم لازمة، ومكتوب صح والمخرج شريف عرفة بيوزن الفيلم".
وقال هشام ماجد،: "شهوتي شراء الجزم وساعات بيبقى مالهاش لازمة وانا وعمرو سلامة فينا الموضوع ده، عندي حوالي ٦٠ جزمة وحاططهم على الأرض، ومراتي بتضايق من ده، بقف في المراية كتير واتأكد اني كويس، مبشوفش نفسي حلو وكتر خير اللي بيشوفني حلو، مبحبش تغيير الشكل والعمليات، الا لو عندك عيب مضايقك اوي، مش زعلان عن احمد فهمي عشان اعاتبه، وهو بيكلمني كتير، وانا اللي مأثر معاه، وطالع معاه ضيف شرف، وانا عندي فيلم في العيد، اسمه فاصل من اللحظات السعيدة".
اقرأ أيضًا:
