بعد ظهورهم مع رامز جلال.. تفاصيل خلافات فادي خفاجة ومها أحمد التي وصلت للقضاء
استضاف النجم رامز جلال في برنامج رامز جاب من الاخر اليوم الفنان فادي خفاجة، والفنانة مها أحمد، في الحلقة 17 من البرنامج، والمذاع على قناة MBC مصر، في تمام الساعة السادسة وعشر دقائق مساء، وذلك عقب آذان المغرب مباشرة.
مها أحمد وفادي خفاجة في رامز جاب من الاخر
واستقبل النجم رامز جلال، الفنانة مها أحمد، فور وصولها برنامج رامز جاب من الآخر، ليسخر رامز منها قائلا: "الجناب، هرتلت سيكا".
وتحدثت مها أحمد، عن خلافها مع أحمد السقا، قائلة: أنا غلطت في موضوع أحمد السقا، بس كانت نفسيتي مش حلوة".
تفاصيل خلافات فادي خفاجة ومها أحمد
وكشفت تفاصيل خلافها مع فادي خفاجة قائلة: "لو عايز تسألني، على أي حاجة تخص، موضوع فادي خفاجة عادي،، أنا رافعة عليه قضية".
وكشفت الفنانة مها أحمد في السابق عن تفاصيل، مشاجرتها مع الفنان فادي خفاجة، وقالت: "عندي شهوة للستر، أن أي حد يقول عليا حاجة وحشة، أو حاجة مش فيا، وأنا ناجحة، ومؤمنة جدًا بالحسد، وبحب البس حاجة زرقا، عشان تحميني من الحسد، وبقرأ قرآن قبل ماطلع لايف، وأثناء اللايف، لأن معظم الفنانين قاعدين، بيتفرجوا عليا ويحسدوني على الريتش، بتاعي، زي اللي انا رافعه، عليه قضية".
مها أحمد تتحدث عن خلافاتها مع مها أحمد
وقالت مها أحمد في لقاء تلفزيوني سابق لها، مع الإعلامية أميرة بدر المذاع على قناة النهار: "رافعة 3 قواضي، على فادي خفاجة، ومجدي، قضية وهما سب وقذف وتحرش، وغير اني هرفع قضية على منصة التيك توك، وهي مضمونة، وأكسبها وأنا مغمضة لأنه حقي، وعندنا قانون، وقضاء عادل هيجيبلي، حقي بالقانون".
وسبق ووجه الفنان فادي خفاجة، لجمهوره رسالة غامضة، بعد انتقادات الجمهور له، وللفنانة مها أحمد، بعد ظهورهما في لايف عبر تيك توك، وهى تصف منتقديها بالخدامات.
مها أحمد تبعث رسالة مجهولة للفنان فادي خفاجة
وقال الفنان فادي خفاجة، عبر بث مباشر له عبر موقع تيك توك، : "إنتي فين ياللي جوزك دكتور؟، وإنتي عملتي إيه في حياتك؟ إنتي معملتيش، حاجة خالص ولا اشتغلتي، وعمالة تقولي أنا ابني مع كل الاحترام، والتقدير على راسي، بس إنتي بتاجري بيه،".
وقام فادي خفاجة، بخلع ملابسه خلال البث المباشر، وقال: "اللي يفتح عليا لايف، قوله ابن سيد خفاجة، هيفتح عليك بلد".
وسبق واحدثت مها أحمد ضجة كبيرة بعد ظهورها في فيديو بث مباشر، على تيك توك، وهى توصف منتقديها بالخدامات.
وخرجت مها أحمد، في بث مباشر جديد، عبر حسابها على تيك توك، لتعلق على هذا الأمر، قائلة: "إحنا بنطلع عشان مبنشتغلش، في الوسط مبنشتغلش، ولقينا مجال زي، السوشيال ميديا، ولو أنا مثلًا بعمل مسرح، ولو فيه عائلة سعودية، أو كويتية بيجيبولي هدايا، وعندي أصدقاء يمنيين، بيجبولي فضة وبقبل الهدايا، فهل أقبل الهدايا، وأنا في المسرح أو السينما، ومش هقبلها على اللايف؟ لا هقبلها، أنا حرة ومحدش له، حاجة عندي".
مها أحمد تكشف تطورات خلافها مع فادي خفاجة
واضافت: "خلاصة الموضوع، إحنا داخلين على التيك توك، عشان نشتغل، أنا واحدة ماضية عقد، مع تيك توك وتبع إدارة التيك توك، أنا موظفة، وبشتغل، ولازم أشوف شغلي، وأكل عيشي، وبفكر الناس بيا والـ CV بتاعي، وإني فنانة، وموجودة حتى لو ماليش أعمال دلوقتي".
ووجهت مها أحمد رسالة، لشخص مجهول دون ذكر اسمه، و قالت فيها: "الواحد هيرجع، وأقول ربنا يشفي كل مبتلى، أو مريض، قلة الدعم بتجيب حالة، مش طبيعية وكلنا بنكتئب، فيه واحد بيعبر عن حاله، ويطلع لايف، ويبقى تريند، يعني فيه واحد ما من ضمن الناس المدمنة طلب مني نتخانق، مع بعض عشان يطلع تريند، ورغم إنه عمل حاجة، وطلع بيها تريند، وكسب تعاطف الناس، قولتله عيب مش للدرجة دي، وأنا مش من الناس اللي ممكن تطلع تريند، عشان خناقة مع حد أنا تريند لوحدي".
وتابعت رسالتها قائلة : "كل حد بيستخدمني، عشان يطلع تريند، هو حر، وإنك تقعد في اللايف، والناس تشتمك بس تخلي الواحد حالته النفسية مش كويسة، ويتصاب بالهلع، والرغي، واللت، والعجن، وشتايم الناس، وإني أسخر الأدمن اللي عندي يسجلوا كل اللايفات، وليه يعني؟".
اقرأ أيضًا:
بعد 12 عامًا.. مها أحمد تعود للسينما بفيلم جديد مع زوجها مجدي كامل
