سورة البقرة طويلة عليا وقولت لربنا هزعل لو مامتش.. تصريحات مثيرة للجدل لـ شيرين عبد الوهاب
تصدرت الفنانة شيرين عبدالوهاب، تريند السوشيال ميديا، بعد تصريحاتها مع الإعلامي عمرو أديب في“بودكاست Bigtime”، حيث كشفت خلال اللقاء عن العديد من الأسرار المتعلقة بحياتها الشخصية والمهنية.
تصريحات شيرين عبد الوهاب
وقالت شيرين عبد الوهاب أن طفولتها كانت قاسية، مُعلقة:«من وأنا طفلة صغيرة وأنا مضطهدة في البيت، وبيقولولي انتي مش هتبقي حاجة وبيتنمروا عليا».
وأكدت شيرين عبد الوهاب، أنها واجهت تنمر أيضاً من بعض الملحنين الكبار في بدايتها، مُعلقة:«لما كبرت كان بيتقالي من فنانين وملحنين كبار أنتي متنفعيش، واللي ينفع البنات الحلوة وانتي شكلك مش حلو».
معاناة شيرين عبد الوهاب مع السحر
وأوضحت شيرين عبد الوهاب أنها عانت من السحر، وأن الفنانة ياسمين عبد العزيز، كان معمول لها سحر أسود، وكانت ستموت، بسببه مُوضحة:"أولاد الحرام رموا سحر في بيتي ولقيت لفة فيها رمال القبور وكان بداخلها مفتاح غرفة نومي".
وأكدت على أن كل الأشخاص حولها كانوا خونة، وأنها عندما تشعر بالتعب تقرأ سورة ق، قائلة:" كل ما قريني بيتعبني بقرأ سورة ق".
كما تحدثت شيرين عبد الوهاب، عن المستشار تركي آل الشيخ، مُتابعة:" لما معالي المستشار تركي آل الشيخ، كلمني مشكورا قالي مكانك فاضي وماحدش ملاه، وأنا بحب مارادونا جدًا وحسيت إن فيه شبه مني، ومعالي المستشار فاجئني وقالي أنا مسميكي مارادونا الفنانات، فا لما لاقيت ضهر ليا زي معالي المستشار وعمرو أديب اللي وقف واتكلم وظهرت الحقيقة، ده دفاني".
شيرين عبد الوهاب تعلق على سقوطها على المسرح
ولفتت إلى أنها ظلت تخضع للعلاج لفترة عقب سقوطها على المسرح في حفلها بـ دبي، مُضيفة:" وقعت وقعة غريبة جدًا وقعدت فترة أتعالج ورجلي كانت بايظة خالص، وكان في حاجة غريبة بتحصل مش عارفة إيه اللي حصل".
كما علقت شيرين عبد الوهاب عن أزمتها في مهرجان قرطاج، مُعلقة:"في مهرجان قرطاج كانوا حاطين على المسرح 4 كراسي، لأني مكنتش بقدر أقف أكتر من 10 دقايق، رجلي تتملي مية، فجأة تخنت وكانت حاجة غريبة، وصوتي كان رايح لكن رجع في البروفة، وطلبت من بنت في الكورال تقرأ عليا سورة البقرة علشان أشكر ربنا".
وأضافت أنها طلبت من البنات في البروفة قراءة سورة البقرة لها لأنها طويلة عليها على حد وصفها، قائلة:" في البروفة صوتي طلع، روحت البيت صليت وطلبت من البنات تقرأ لي سورة البقرة، لأنها طويلة عليا أوي وكنت بشكر ربنا إني سمعت صوتي من تاني".
وأشارت شيرين عبد الوهاب أنها في فترة مرضها كانت تدعو الله أن تموت هي وبناتها، مُوضحة:"قولت لربنا هزعل لو ما متش، وكنت أدعو دائما لي ولبناتي بالموت، حتى لا يعذبهم أحد ويستغلهم".
اقرأ أيضًا:
