شخصيتي قاسية وبنتقد نفسي بشكل كبير وجوزي أهم حاجة في حياتي.. أبرز تصريحات مي عمر

قالت الفنانة مي عمر إنها لا تحب تدخل الناس في حياتها الشخصية، وتحرص على الاحتفاظ بخصوصيتها بشكل كبير.

تصريحات مي عمر

وأكدت الفنانة مي عمر، خلال حلولها ضيفة في أولى حلقات برنامج "ألبوم صور" مع الإعلامية إيناس سلامة الشواف عبر محطة راديو إنرجي 92.1، أنها تستخدم الفلاتر أثناء التصوير، بشرط أن تكون طبيعية ليست مبالغ فيها، مُضيفة :"وبتضايق لما بلاقي الصورة بعيد عني مش شبهي، وفي صور بحطها من غير فلتر لو متصورة بجودة كويسة".

وأوضحت مي عمر أنها لا تحب تعديل المعلومات الخاطئة عن حياتها العملية، مُضيفة:"في حاجات مش بهتم أوي بالصح والناس هيعرفوا مع الوقت، مش كل الناس بتشوف الوش الحقيقي بتاعك لازم يقرب، كل واحد بياخد الفكرة اللي في دماغه".

مي عمر : عشان أحكم على حد لازم أقرب منه.. وفي ناس بنكتشف حقيقتهم مع المواقف

وقالت مي عمر أنها لا تحكم على الأشخاص من الخارج، مُتابعة:" عشان أحكم على حد لازم أقرب منه وأعرفه،و في ناس بنكتشف حقيقتهم مع المواقف وبيفضل كويس طول ما هو عاوز مصلحة، المواقف الجامدة بتبين الناس على حقيقتها وهنا بتقدري تفلتري الناس ولا لا، اللي بيبقى مش كويس معاكي مرة بيغلط فيكي تاني وتالت ورابع لو سامحتي".

وتحدث مي عمر عن زوجها المخرج محمد سامي، لافتة أنه أهم شئ في حياتها، وأنها تأخذ برأيه في كل أمور حياتها، ويدعمها بإستمرار، لافتة أنها شخصية قاسية مع نفسها وتنتقد نفسها بشكل كبير.

أبطال مسلسل "نعمة الأفوكاتو"

ويعرض للفنانة مي عمر، في رمضان 2024، مسلسل "نعمة الأفوكاتو" على قناة MBC مصر، ومنصة شاهد الإلكترونية، وهو من تأليف محمد سامي ومهاب طارق، إخراج محمد سامي وإنتاج مها سليم، بطولة مي عمر، أحمد زاهر، أروى جودة، كمال أبو ريه، عماد زيادة، ياسر علي ماهر، ولاء الشريف، أحمد ماجد، محمد الدسوقي، طارق النهري، سامى مغاوري، لبنى ونس، غادة فلفل، سلوى عثمان، هدير عبد الناصر، وهو مكون من 15 حلقة، وأحداثه تدور في إطار دراما اجتماعية تشويقة مثيرة حول قضية قتل.

إقرأ أيضا

قبل عرضه.. مي عمر تكشف عن الصعوبات التي واجهتها في مسلسل نعمة الأفوكاتو

برومو جديد لـ مسلسل نعمة الأفوكاتو