تفاصيل الأزمة الصحية لوالدة الفنان مصطفي كامل
كشف الفنان مصطفي كامل، نقيب الموسيقيين، عن تفاصيل تعرض والدته لوعكة صحية مفاجئة، ونقلها على إثرها للمستشفى.
مصطفي كامل يكشف تفاصيل مرض والدته
وشارك النجم مصطفى كامل جمهوره ومحبيه بمقطع فيديو، عبر حسابه بموقع التواصل الاجتماعي «فيس بوك» وقال فيه: إن والدته نقلت إلى المستشفى بعد تعرضها لوعكة صحية، ومطالبًا من الجمهور الدعاء لها بالشفاء العاجل.
جنازة الموسيقار حلمي بكر
وكان مصطفى كامل، ومن أوائل الحاضرين لجنازة الموسيقار الراحل حلمي بكر، التي، شُيعت يوم الأحد الماضي، من مسجد السلام بمدينة نصر، وسبق وعلق مصطفى كامل، على وفاة الموسيقار حلمي بكر الذي رحل عن عالمنا يوم الجمعة الماضي بعد صراع طويل مع المرض.
وعبر الفنان مصطفي كامل نقيب الموسيقيين، عن حزنه لوفاة الموسيقار الكبير حلمي بكر، وكشف أسرار آخر أيامه، وقال: "بقالنا شهر بنتمنى أن يدخل الموسيقار المستشفي، ويجيلنا، بقالنا حوالي شهر يا أستاذ جابر بنطالب ونقول هاتولنا الراجل، بنطالب اللي انتوا عارفينهم، والصحافة والإعلام كلهم عارفين احنا كنا بنقول ايه، إخواته كلهم بيكلمونى، وبنقول دايما هاتولي الأستاذ حلمى يا جماعة، وكنا بنطالب اللي خدوه يعمل نقاهة (زوجته) في الشرقية، بنطالب الدنيا كلها".
مداخلة مصطفى كامل عن وفاة الموسيقار حلمي بكر
وقال الفنان مصطفى كامل عن وفاة الموسيقار حلمي بكر خلال مداخلة هاتفية ببرنامج "مانشيت"، عبر قناة "CBC"، مع الإعلامى جابر القرموطى: "ولحد النهاردة بنقول لابنه انزل، وقولتله قلبي حاسس هيحصل حاجة لأبوك، وانت الوحيد القادر على إنك تروح تاخده من المكان ده، انت ولده، انت الوحيد اللي تقدر تجيبهولي من المكان ده، والبقاء لله"، واستكمل : "أنا مستحيل ادخل في كلام مش بتاعى، دا كلام أسرته، أحنا بناشد كتير وآخرها مع لميس الحديدي، بقالنا فترة بنقول احنا جاهزين والنقابة على أتم استعداد لكل حاجة، من أجل الموسيقار".
مصطفى كامل: كل حاجة هتبان للرأي العام
واضاف: "كل حاجة هتبان للرأي العام، وبقالنا شهر بيتقال علينا كلام غلط من ناس كتير بتخص الأستاذ حلمى، طب فين الراجل؟"، واستكمل: "احنا مبنتأخرش، اتأخر عن أبويا ازاي، ولسه كاتب من يومين بوست على الصفحة، وقلت ربنا يطمنا عليك وحسبى الله ونعم الوكيل، دا أخويا، وصديق عمري وأستاذي وكل حاجة، دا احنا بنشحته بقالنا شهرين، قالولنا أصل بيعمل فترة نقاهة، ازاى يعني ده يحصل".
واضاف مصطفى كامل: "أتحكى منهم حكاية غريبة غير اللي أتقال خالص في الصحافة والإعلام من الطرف التاني، أنا راجع بيتي وهتجنن، قالوا دا أخيرا خرج من النقاهة وهيروح مستشفى، قلنا يلا هاتوهولنا الراجل واحنا نتولاه، وفتحنا مستشفى المعادي والجوابات طلعت وكل حاجة، بس كنا كلنا عارفين".
وتوفي الموسيقار الكبير حلمي بكر بعد صراع مع المرض، وذلك بعد مسيرة فنية ممتدة وتاريخ طويل مع أعظم الأعمال الفنية.
اقرأ أيضًا:
نهاية الموسيقار.. مصطفى كامل يكشف حقيقه خطف حلمي بكر وكواليس آخر أيامه
عاجل| مصطفى كامل يستقيل وحلمي عبدالباقي يتمرد على نقابة الموسيقيين
