مبعملش حاجة غلط و الرقص ليه احترامه.. أبرز تصريحات فيفي عبده

تحدثت الفنانة فيفي عبده، عن موقفها من ارتداء الحجاب، كما ردت على منتقدي مهنة الرقص، وغيرها من التفاصيل الخاصة بحياتها الشخصية، لذا نرصد أبرز تصريحاتها التلفزيونية في السطور التالية.

فيفي عبده:الرقص شغل زي أي شغل ليه احترامه وناسه اللي بيقدروه

قالت الفنانة فيفي عبده أن الرقص مهنة مثل أي مهنة أخرى، له احترامه وجمهوره الذي يقدره، مُضيفة:"الرقص حرام ليه؟ هو مش شغل زي أي حاجة، الباليه حرام؟ في حاجات كتير حرام، الرقص دا شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه".

فيفي عبده: بعتبر إني محجبة لأني مش بعمل حاجة غلط

وأوضح فيفي عبده أنها تعتبر نفسها محجبة، لعدم ارتكابها أفعالاً خاطئة، قائلة:"أنا متحجبة طول الوقت، الكلام دا يتقال للناس الفالته أنا بعتبر إني محجبة لأني مش بعمل حاجة غلط ومش بجيب في سيرة الناس محجبة في لساني وفي كل تصرفاتي، مطلوب مني إيه أكتر من كده وإذا كان على الشغل لو ربنا قالي في أي وقت إلبسي الحجاب هلبسه".

فيفي عبده لمنتقديها: الفنانين دول عندهم حاجات كتير حلوة إنتوا مش بتقدروها

وأكدت فيفي عبده على أنها اعتمرت 37 مرة، وأدت مناسك الحج 5 مرات، مُعلقة:" بقول للناس متشوفوش الظاهر بس اعرفوا أن الفنانين دول عندهم حاجات كتير حلوة إنتوا مش بتقدروها لكن ربنا بيقدرها، أنا لما كنت بروح مكنتش أتكلم مع مخلوق أحط حجابي أروح أصلي صلاتي وأرجع وأخد أهلي كلهم معايا، هيقولوا عاملة دا ورقاصة، أه دي نقرة ودي نقرة هو حساباته غير ويعمل اللي هو عايزة، عملت اللي يرضيني في الحياة ومطمنة جدًا حاسه إني هقابل ربنا وأنا مستريحة في أي وقت".

فيفي عبده:مظلمتش حد وأنا ماشية بما يرضي الله

وأشارت فيفي عبده إلى أنها لم تظلم أحداً طيلة حياتها، مُضيفة:" أنا ماشية بما يرضي الله مظلمتش حد وبالعكس بساعد الغلبان وإنسانة واضحة ومبعملش حاجة غلط".

وقالت فيفي عبده أن ابنتها الثالثة بالتبني موجودة في المدرسة، مُضيفة:"دي حاجات خاصة ورزق ربنا بعتهولي مبحبش اتكلم فيه، لو أتجوزت 100 مرة إيه مشكلة في كده والست ربنا قالها تطلق وتجوز عادي".

آخر أعمال فيفي عبده

وكان آخر مسلسلات فيفي عبده" شغل في العالي"، الذي عرض في دراما رمضان 2022، وشاركها في بطولته شيرين رضا، توني ماهر، بسنت النبراوي، محمد رضوان، فريد النقراشي، وآخرون من النجوم، وهو من تأليف حسين مصطفى محرم، وإخراج مرقس عادل.

اقرأ أيضًا:

فيفي عبده بإطلالة محتشمة في أحدث ظهور لها