جه يكحلها شوهها.. ريهام سعيد تكشف كواليس عملية التجميل الفاشلة: بقيت شيطان

بات اسم الإعلامية ريهام سعيد حديث السوشيال ميديا بعد ظهورها الاخير للتعليق علي طبيب التجميل الذي تتهمه بالتسبب في تشويه وجهها.

واوضحت أن «العملية فشلت وحدث مضاعفات وتشوهات في وجهها بسبب الطبيب المعالج».

ريهام سعيد

وقالت سعيد في مقطع فيديو شاركته عبر «فيسبوك»: «حقيقي أنا مستفزة جدا من الناس اللي بتكلمني بتقولي علقي.. أعلق على ايه ولا ايه، العيب اللي عملت عشانه العملية لسه موجود، و زيادة عن ده طلع كرمشة على وشي وخطوط غريبة جنب عيني».

ريهام سعيد: هاخد حقى بالقانون

وأضافت: «أنا عايزة بس أقول حاجة بسيطة جدا للناس، أنا حقي هاخده بالقانون من الدكتور.. أنا عيني باظت.. وعيني اللي بتلف لوحدها دي عندي بيها مستندات".

وهاجمت الطبيب قائلة:" أنا مش عارفة إزاي أنت بتتكلم ولا بترد، نزل فيديوهات زي ما أنت عايز، وأنا عشان ست محترمة لحد دلوقتي مش عايزة أرد".

ريهام سعيد تهاجم الطبيب المعالج

واضافت:" أنا بتكلم بس عشان هو منزل صورة بشكلي قبل وبعد العملية ليه مش عارفة.. أنا مجبتش سيرتك إزاي بتقول هترفع قضية أنت اللي ترفع ولا أنا؟".

وظهرت ريهام سعيد أيضا خلال الساعات الماضية في لايف عبر «إنستجرام» دون فلتر أو ميكاج، والسبب أنها تريد إخبار الجمهور بما حدث لها في عملية التجميل الفاشلة، مشيرة إلى أنها تعالج نتيجة هذه العملية منذ 3 أشهر.

تشويه وجه ريهام سعيد

وأضافت:" «انتوا شايفين أن ده شكلى؟ الدكتور بعد ما العملية باظت عمل فيلر في وشي على الحفر اللى ظهرت بعد ما بوظلي شكلي، وعملي خطوط زي الشيطان".

ونشرت ريهام، صورتين قبل وبعد إجراء عملية شد الوجه، عبر حسابها على إنستجرام، معلقة: «يعني وصل بك إنك تشوهني وتموت ست قبلي وتحط صورة لواحدة مختلفة وتقول إنها أنا؟.. ده أنا كنت زي القمر قبل ما أجيلك.. مين الست اللي أنت حاططها دي؟.. عارف أنا هرفع عليك قضية وهبطلك الطب».

الاعلامية ريهام سعيد

واختتمت: «هو بيقول إن أنا كنت عاملة عمليات كتير قبل كده بايظة وهو اللي بيضبط وشي، أنا معملتش غير عملية واحدة من 10 سنين عند دكتور ومات بسبب الكورونا، وأنا لو كنت عاملة عمليات كتير فاشلة قبل كده إزاي كان شكلي حلو، ودلوقتي باظ لما أنت جيت تعالجني!».

الطبيب يدافع عن نفسه

ليخرج من بعدها طبيب التجميل، ويرد على اتهام ريهام سعيد، حيث نشر مقطع فيديو يتضمن عدة صور لريهام سعيد، قبل وبعد إجراء العملية، مؤكدا نجاح إجراء شد الوجه لها، دون حدوث أي تشويه، ونيته فى ملاحقاتها قضائيا بتهمة تشويه سمعته