مروة ناجى تتصدر تريند ”تويتر” بعد طرح أغنية ”معلش”
تصدرت الفنانة مروة ناجي، تريند "تويتر" وذلك بعد طرحها أغنية "معلش "حيث جذب البوستر عيون الجماهير من خلال ظهورها بإطلالة كلاسيكية من خلال بوستر أحدث أعمالها الغنائية الجديدة، والتي تحمل اسم “معلش”.
مروة ناجى تتصدر التريند بـ معلش
وشاركت جمهورها بصورة من الكليب من خلال حسابها الرسمي بموقع تبادل الصور والفيديوهات الشهير "الانستجرام"، وأرفقت بالصورة تعليقًا قالت فيه:" معلش ".
وأضافت:"الأغنية من كلمات محمد صالح اللباد، ألحان زياد وائل، توزيع محمد مزيكا".
مروة ناجى تطرح اغنيتها "ابو الغضب"
طرحت المطربة مروة ناجي، في موسم الصيف الماضي، أغنية بعنوان "أبو الغضب"، من كلمات محمود سليم، وألحان كريم أحمد، وتوزيع موسيقي حازم السعيد، وتولت توزيعها عبر المنصات شركة ديجيتال ساوند.
كلمات أغنية معلش لـ مروة ناجى
وتقول كلمات الأغنية:
إحنا اتغيرنا بقينا بندوس على مشاعرنا
كان مين قدرنا لما لقونا مرة خسرنا
بنشيل في هموم بنبص لقينا فجأة كبرنا
يا خسارة عمرنا بيعدي
ولقينا زمنا مغفلنا
بنلف في 100 مليون دايرة
قاطعين الصوت
ومراكب واقفة ومش سايرة
وعمرنا بيفوت
ونشوف احاسسنا بقت بايرة
بقى فيها جبروت
ليه كل ما نيجي يوم نفرح
يرعبنا الموت
أنا عمري سنين
مش فاكرة أنا منه غير كام يوم
مكتوب على وشي
المادة الخام أنا المظلوم
كلمة معلش
بقت كبسولة قبل النوم
وبنام والحزن اخدته في حضني
ياريتني بقوم
مش عارفة ليه أنا بعافر
في زمن ليه مقلوب
وبصبر نفسي كتير وقليل
وبقول مكتوب
كان مين بيهمه فراقي بدور
مين كان باقي
والطيبة سببها غبائي
ياريتني منها بتوب
وبنام م الجرح بلاقي سكاكين
بتقطعني
واشتكي للفرح يقول وأنا مالي
وإيه يعنى
لا حبيب ولا صاحب الكل معايا
بيودعني
بشتري بالغالي وببلاش
كله ليه بيبعني
أنا حتى في حلمي الناس كارهني
إني أعيش
والحظ معايا عاملي كفيف
وما بيشوفنيش
أنا راكبة في قطر بقاله سنين
وموصلنيش
واليوم اللي وصلت وهنزل دوري
ميجيش
عمالة ليه بشيل في هموم بالكدب
بقالي كتير
مش واخده أنا من جدعنتي أنا غير
قلة تقدير
الكل في وجعي بيعملوا
كذا مليون شير
معلش أنا طولت عليكوا تصبحوا على خير
