تامر حسني يعاتب محبوبته بكلمة «موحشتكيش»

«موحشتكيش» .. بهذه الكلمة يعاتب المطرب تامر حسني، محبوبته خلال كلمات الأغنية التي أطلقها عبر قناتة الرسمية بـ«يوتيوب» وجميع منصات الأغاني.

وأغنية «موحشتكيش» للنجم تامر حسني، من ألبوم «هرمون السعادة»، من كلمات أمير طعيمة، وألحان وتوزيع أحمد إبراهيم.

كان الفنان تامر حسني، قد نشر عبر حسابه الشخصي على موقع الصور الشهير «إنستيجرام» مقطع فيديو من كواليس كليب «موحشتكيش»، وهي إحدى أغنيات ألبومه الجديد «هرمون السعادة»، وظهرت في الكليب الفنانة ثراء جبيل، حيث تضمن عدد من المشاهد الرومانسية، والتي تظهر لقطات من تصوير الكليب.

كلمات أغنية تامر حسني الجديدة موحشتكيش

وتقول كلمات الأغنية الآتي :
شكل المكان زي ما كان
متغيرتش حاجات كتير
شايف بعيني ذكريات
من قلبي حبيتها بضمير
أجمل سنين أنا عيشتها كانت هنا
كل اللي ناقص في المكان إنتي وأنا
وتفاصيل كتير مش ممكن
أحسها من غيرك ..
معقول أكون موحشتكيش !!؟
من يوم بعادنا مش بعيش
رغم الفُراق مفارقتنيش
بعدك خالص واقفة الحياة
من بعد حضنك حضني مات ..
وكلامي يشبه للسكات
فاضلي منك ذكريات .. ذكريات .. آه
واللي فاضلي مني آه
بيلف صوتك في المكان
لسه صورنا على الرفوف
وكلام كتبته من زمان
وضحكتك بين الحروف
اسمك حبيبتي في كل لحظة أنا بنطقه
إحساس بعادك كل يوم أنا برفضه
ولا عمر قلبي في يوم هيحس
بواحدة تانية غيرك ..
معقول أكون موحشتكيش !!؟
من يوم بعادنا مش بعيش
رغم الفُراق مفارقتنيش
بعدك خالص واقفة الحياة
من بعد حضنك حضني مات ..
وكلامي يشبه للسكات
فاضلي منك ذكريات .. ذكريات .. آه
واللي فاضلي مني آه