حسن شاكوش يرد على العسيلى: الناس تعبت من كتر الأغانى اللى بتجيب اكتئاب
علق مطرب المهرجانات حسن شاكوش على تطريحات المطرب الشعبى محمود العسيلي في تصريحاته التي أدلى بها عن المهرجانات وتراجعها.
وعبر بث مباشر على حسابه بانستجرام قال شاكوش "الناس ما بتصدق تسمع أغنية شعبي ليا أو لأى مطرب شعبي زي حموبيكا وعمر كمال، وبيحبوا يسمعوا أغاني بتاعتنا عشان بنطلع الواحد من المود"
وأضاف حسن شاكوش ": كل نجم ليه وقت، ولازم يأخد هدنة بس لما بيرجع بيطلع حاجات هتقعدكم في بيتكم وإحنا مجال المزيكا بتاعتنا والمهرجان والغنوة الشعبي ده مش هيموت، الناس تعبت من كتر الاكتئاب.. والأغاني اللى بتجيب الاكتئاب وبتجيب ملل وبتعقد الناس.
وكان الفنان محمود العسيلي قد تحدث عن المهرجانات وأكد تراجعها بسبب موضة الراب.
وقال محمود العسيلي: "الدنيا بتتغير المهرجانات كانت موضة والترند بيتغير مع الوقت وجت لهم فترة كانوا الحاجة المناسبة للذوق العام ودلوقتي اختفوا شوية عشان مش بيجددوا وبقى التراب هو الترند ومكسر الدنيا".
وأشار محمود العسيلي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، إلى أن عصام صاصا واحد من أكثر المطربين استماعا على جميع المنصات وهو الاكثر استماعا في كل المنصات واليوتيوب من الجميع في الوطن العربي.
وأوضح أن الاكثر استماعا مع الجيل الصغير الآن هو الراب وسيأتي وقت عليه وسيختفي لأنه مبني على موضة غير ناس قليلة عندهم شكل ثابت ويطوروا.
وتابع: حمو بيكا وعمر كمال وشاكوش موجودين ونجاحهم كان كبير ودلوقتي بينجحوا في حاجات وحاجات لا ومش بقوا زي الأول وبيبقى ظواهر، والشاطر هو اللي يتحول ميبقاش ظاهرة ويكون له شكل خاص به ويكون فنان له لون وشكل بس معظم مطربي المهرجانات مش بيعملوا كده".
