خالد محمود يتحدث عن كواليس بدايته الفنية : ضحيت بالطيران من أجل التمثيل
كشف الفنان خالد محمود كواليس بدايه عمله في الفن وقال : كنت عايز اقدم في معهد فنون مسرحية وكنت عايز اقدم في طيران، التنسيق وداني دار علوم قولت هقدم الاول في معهد فنون مسرحية روحت اقدم لقيت التقديم خلص قولت هقعد سنه في دار علوم.
واضاف: قدمت وروحت وعملت الاختبار بعد السنه ما خلصت ونجحت ودخلت التصفية التانية والتالتة لقيت اسمي في ال١٤ واحد اللي نجحوا وهنا سيبت دار علوم.
وأشار: خالد محمود خلال تصريحاته مع الإعلامية انجي هشام في برنامج المنسي عبر قناة هي:' خلصت المعهد وابتدت العروض تجيلي رغم أنه أنا بمثل في سنه تانية معهد واول عمل ليا كان مذكرات زوج مع الاستاذ محمود ياسين، طلبني الراحل بعدها فريد شوقي في فيلم شاويش نص الليل وابدت العروض تتوالى.
تابع :' في نفس الوقت حلم الطيران كان شاغلني ولقيت التقديم نزل روحت قدمت وعملت كشف طبي ونجحت، قولت ايه العظمة دي روحت ودرست طيران لكن التمثيل كنت عملت فيه رصيد فكان الطلب كبير وكنت بعمل ٦ و ٧ مسلسلات وكل مجال عاوز تفرغ فالتمثيل سحبني وروحت.
