لوسي ترد على اتهامات ضربها للممثلين في ”الحفيد”: كله ياخد حقه بالقانون

حرصت الفنانة لوسي على الرد على الاتهامات الموجهة لها بضرب زملائها في مسرحية "الحفيد"، وادعاءات مجموعة من فريق العمل ضدها، قائلة: «انا قدمت شكوى لوزيرة الثقافة من ٦ شهور وهيبقى في تحقيق وكل واحد هياخد حقه».

وقالت لوسي خلال مداخلة هاتفية عبر برنامج «الستات» المذاع على النهار: «كل واحد ياخد حقه بالقانون، لو اعتديت على حد أبقى ست مجنونة وباكل في اللحاف، أنا حقي عند ربنا، فيه كاميرات في المسرح بتصور كل حاجة واللي عنده حاجة ماسكها عليا يطلعها».

واكدت لوسي: «تواصلت مع الدكتورة نيفين الكيلاني وزيرة الثقافة، وحكيت لها ما حدث، وطلبت مني تقديم شكوى أمام النيابة الإدارية، وهو ما تم بالفعل، وكنت قدمت شكوى منذ ستة أشهر بخصوص الأخطاء التي وقعت»، نافية ما تردد حول اعتدائها على إحدى الممثلات».

وأوضحت لوسي عن بعض السلبيات التي حدثت خلال تقديم المسرحية قائلة: «الناس بتزعل من النظام، بيزعلوا لما نقول بروفة الساعة 8 وألاقي اللي يجي 10 ولا 11، اللي حصل ده خروج عن النص، وانا اللي وقفت عرض المسرحية، وصعب ارجع اعرضها، بالرغم اني كنت مبسوطة بالجمهور والمسرحية».