حسن الرداد يكشف كواليس فيلمه الجديد ”تحت تهديد السلاح”
كشف الفنان حسن الرداد كواليس تحضيره لفيلمه الجديد "تحت تهديد السلاح".
وقال حسن الرداد في لقاء مع برنامج "ذا انسايدر بالعربي": "أول ما قريت النص وقعت في غرامه، لأنه تحدي وكل ما بقرا السيناريو تاني بشوف أد إيه هو صعب".
وأضاف: "الفيلم فخ مليان مشاهد صعبة كتير وعلاقات كتير، لقيت فيه جزء لازم ألجأ لدكتور فروحت لدكتور مخ وأعصاب وأنا مكنتش عايز أعمل النوع ده من المشاهد من غير روح".
ونوه: "كان فيه موضوع ما في الفيلم بدون الكشف عن تفاصيله كان لازم أعمله بشكل علمي، ولجأت لاستشاري مخ وأعصاب وفضلت متابع معاه 3 شهور لأني بعمل شيء بعيد تماما عن مجالي وحبيت أذاكر الشخصية".
أما عن دور زوجته إيمي سمير غانم في اختيار أعماله، علق حسن الرداد، قائلًا: "رأي إيمي مهم بالنسبة لي دايمًا، وأهم حاجة يعجبها الفيلم، وباخد رأيها وخصوصًا في الأعمال الكوميدية وكلامها دايًما بيطلع صح".
فيلم "تحت تهديد السلاح" بطولة حسن الرداد، مي عمر، وبيومي فؤاد، وشيرين رضا، وأحمد بدير، وفتحي عبدالوهاب، وعدد آخر من الفنانين، وهو من تأليف أيمن بهجت قمر، وإخراج محمد عبدالرحمن حماقي.
أحداث وقصة الفيلم تدور في إطار من الإثارة والتشويق حول جريمة قتل يتم فيها اتهام الرداد ويتم البحث عن ملابسات الجريمة، حيث يظهر في دور صاحب معرض سيارات، ويواجه العديد من المشاكل، وتتوالى الأحداث في إطار درامي مشوق
