حسام حبيب يرد علي تصريحات والده المستفزة: أنا ليا الشرف انى تربية ست

رد الفنان حسام حبيب على المنشور الذي نشره والده عبر حسابه في موقع التواصل الاجتماعي فيسبوك، ووصفه فيه بأنه "تربية ست"، في إشارة إلى والدته.

وكتب حسام حبيب عبر خاصية "ستوري" في حساب إنستجرام الخاص به: "أنا ليا الشرف إني تربية ست لأنها بميت راجل، وتربية الست دي هي اللي هاتخليني ماردش عليك. حسبي الله ونعم الوكيل".

وكان والد حسام حبيب قد علق على تصريحات ابنه في برنامج "الحكاية"، الذي يقدمه الإعلامي عمرو أديب عبر قناة MBC مصر، فيما يخص كتابة شيرين لوصية تاركة كل أموالها وممتلكاتها لابنتيها.

حسام حبيب وشيرين عبد الوهاب
كتب حسين حبيب في منشور عبر حسابه بموقع Facebook: "قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل".

وتابع: "إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك".

حسام حبيب وشيرين عبد الوهاب
ورد حسين حبيب على تصريحات ابنه أنه لم يحصل على أي أموال من شيرين عبد الوهاب، كاتبا: "إنت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، إنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، إسأل أبوك يقولك تقول إيه".

وأضاف: "بتقول انك عمرك ما اخدت منها فلوس وانك ما بتشتغلش 4 سنين كنت عايش على قفا مين، وهي قالت لي يابابا انا عايزه اتجوز راجل يصرف علي، وقلت له عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، أخدت مني مليون جنيه عشان تشطب فيلتك وما تعيش في بيت مراتك وها اردهملك ومن ساعه ما اتطلقت، وأنا بصرف عليك ورايح تقول لعمرو اديب وتهاجمني لتاني مره أنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتى سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك، بقالك سنة مطلقاها ما اشتغلتش ليه بطل حجج، وخليك راجل انت فعلا مش تربيتي، ست طلعت من بيت مامي على بيت مراتك".