الإعلامية المستفزة.. معلومات لا تعرفها عن نجمة التريند ياسمين عز
تصدر اسم الإعلامية ياسمين عز مواقع التواصل الاجتماعي خلال الأيام الماضية بعد حديثها عن علاقة المرأة بزوجها، وظهور لها صور مختلفة أثناء تغير شكلها وهى فى سن مختلفة، وبعد تصريحاتها عن طاعة الزوجة لزوجها وتعاملها معه كجارية علي حد وصف البعض لها، وحديثها عن حقوق الزوج و نصائحها للسيدات والزوجات وكيف يتعاملن مع أزواجهن، يتسأل الكثير عن هوية زوج ياسمين عز؟.
ومن أبرز تصريحات ياسمين عز التي جعلتها تريند مواقع التواصل الإجتماعي منذ أمس :" البيت بفلوس الراجل وتيجي مراته تقوله اقلع الجزمة علشان السجادة .. ده أنا أحط فساتيني الماركات تحت رجله يمشي عليها.. بتزعقي لجوزك ليه عشان بيدوس على سجادة الصالون بجزمته .. ما هو جايبها بفلوسه !!".
تصريحات ياسمين عز أنصفت الرجال وجاءت كصفعة على وجه النساء ، حيث انتقدت طريقة تعامل الزوجات مع رجالهن وهو ما أرجعته لسبب الخيانة، وقالت ياسمين عز في برنامجها على قناة MBC مصر :" - الراجل عينه زايغة!! ما هو طول ما بيشوفك ضاربة البوز وعاملة " القمطة " في شعرك هيطفش.. فين أيام ما كانت الست بتدلع جوزها وتديه أكبر حتة من الفرخة؟ " .
حديث ياسمين عز باستمرار بنفس الطريقة عن الرجال والنساء جعل الكثير من المتابعين يتساءلون من هو زوج ياسمين عز أو خطيب ياسمين عز ، والكثير من التفاصيل عن حياتها الشخصية.
وبالبحث حول حياتها ، فيبدو أن ياسمين عز لم تتزوج حتى الآن ، وعمرها 33 عاما ، ومن مواليد 1988، وشاركت في بطولة مسلسل "بره الدنيا" بطولة شريف منير عام 2010، وكان رشحها للدور المخرج مجدي أبو عميرة.
اتجهت لتقديم البرامج وبدأت مشوارها كمذيعة، عام 2011من خلال برنامج المنوعات "عز الشباب"، عبر قناة روتانا واستمرت في تقديمه لمدة 3 سنوات حتى انتهت مواسمه.
وحاولت ياسمين عز أن تجد فرصة للانتقال إلى مجموعة قنوات MBC، ونجحت في ذلك بعدما تجاوزت جميع الاختبارات وتم قبولها.
وكان أول ظهور لها على قناة MBC""، من خلال تقديم برنامج "صباحك مصري" الذي عرض على قناة MBC" مصر 2 "مع المذيع هشام عاصي، وبعد نجاحها في تجربتها كمذيعة في برنامج "صباحك مصري"، أسندت إليها قناة MBC" مصر 2 " مسؤولية تقديم برنامج "حديث المساء"، بدلا من الإعلامية سهام صالح.
دوماً تنجح في الحديث عن العلاقة بين الزوج و الزوجة وكيف لكل امرأة أن تجعل علاقتها جيدة بزوجها وإرضائه دون الالتفات إلى مسألة الكرامة ، والتي قالت عنها ياسمين عز :" أول ما تتجوزي حطي كرامتك في الدرج " .
ومن ضمن تصريحات ياسمين عز الأخيرة :" الست اللي بتقول لجوزها حاضر ونعم دي ملكة مش خدامة.. مصطلح الجارية ده هناك في مسلسل حريم السلطان مش عندنا".
وفي تصريح آخر قالت ياسمين عز :" الراجل من حقه يمسك تليفون مراته زي ما هو عايز والست مش حقها تمسك تليفونه وتتجسس عليه ".
وتحدثت الإعلامية ياسمين عز، حول الخيانة الزوجية وأسبابها.
وقالت ياسمين، متسائلة: “ليه معظم الستات بتتغير بعد الجواز ليه الاهتمام والحب والدلع بيختلف ليه مبقتش تقوله بحبك ليه ما بتتصلش بيه وهو في الشغل عشان تقوله وحشتني ليه وهو نازل شغله الصبح مش بتعدله ياقة القميص وتقوله بلاش تلبس القميص ده وألبس الجاكيت ده عشان تكون أشيك.. ليه لما يكون متأخر بالليل في شغل أو اجتماع أو حتى خارج مع صحابه على القهوة مش بتكلمه تقوله أنا مش هنام غير لما ترجع وأطمن عليك.. ليه كل الحاجات اللي بتعملها معاه زمان أو وقت الخطوبة مبقتش تعملها بعد الجواز؟”.
وأضافت: “مرة تانية بكرر بعض السيدات أو بعض الستات مش كلهم ولو إن اللي أنا بتكلم عليهم دلوقتي هما اللي بقوا الأغلبية للأسف لكن مبحبش يعني التعميم أنا بقول بعض السيدات.. كل حاجة فيها الوحش وفيها الحلو.. أنا نفسي الستات اللي بيسمعوني دلوقتي يحاولوا يجاوبوا على الأسئلة دي في سرهم ويصارحوا نفسهم بالحقيقة”.
وتابعت: “أعرف ستات لما أجوازهم يكونوا نازلين الشغل مش بيقولولهم بقى ترجعوا بالسلامة ولا يقولولهم محتاجين حاجة ولا ربنا معاك يا حبيبي ولا أعملك إيه ع الغدا النهارده ولا بيعبروهم أساسًا وكإن لسان حالها بيقولها يلا في ستين سلامة والمركب اللي تودي.. والله موجودين وأعرفهم.. طيب طبيعي بعد كده لما ينزل الشارع أو يروح الشغل ويلاقي واحدة بتبتسم له مش بعيد بقى يعجب بيها أو يتعلق بيها وترجعي بعد كده تشتكي وتقولي هي الرجالة عينها زايغة ليه.. ما هو شايف بوز قد كده نهار وليل قدامه”.
واستكملت: “وبعدين أول ما يرجع بدل ما تقوله عملت إيه النهارده يا حبيبي في الشغل وتطبطب عليه كده وتاخده بالحضن تقوله وحشتني. تلاقيها بقى قاعدة قامطة دماغها وفاتحة سارينة الشكاوي الشكاءة البكاءة راسي وجعاني وإيدي تعباني والعيال هلكوني ودماغي مصدعة وبعدها تقوله أنا مش قادرة اتكلم ولا افتح بؤي بأي كلمة بعد ما قالت كل ده أنا مش قادرة اتكلم ومحدش يكلمني النهارده ده إذا ما رجعش أساسًا البيت ولقاها نايمة وباعتاله رسالة ع الموبايل بتقوله أبقى طلع حلة السبانخ م التلاجة سخنها.. أو أبقى اشتريلك أي حاجة تاكلها وانت جاي م الشارع عشان ما عملتش حسابك النهارده في الغدا”.
واختتمت كلامها قائلة: “في سؤال أنا عايزة أسأله.. انتي كست ليه لما حد يجي من أهلك الولايم تشتغل والمحمر والمشمر والأصناف والأشكال والألوان تظهر.. وفي الأيام العادية الكوسة ما تتقورش البتنجان ما يتحشيش ولا أي حاجة تتعمل للراجل الهفتان الشقيان اللي طالع عينه.. طالع عينه طبعًا في الشغل عشان مين عشانك وعشان البيت وعشان ولاده.. عايزة أقول فين أيام ما كانت الست بتدي لجوزها الحتة الكبيرة من الفرخة وتاكل بقيتها هي والعيال فين والله العظيم الأيام دي؟!”.
