تطورات الحالة الصحية لـ نادية شكرى بطلة مسرحية ”العيال كبرت”
كشفت رشا سامي العدل عن خروج والدتها الممثلة نادية شكري من المستشفى لاستكمال علاجها في المنزل.
وكتبت رشا عبر حسابها بموقع فيس بوك : "الحمد والشكر لله خروج أمي من المستشفي لاستكمال العلاج في المنزل بفضل دعوات الاهل و الأصحاب و بفضل الدكاترة المحترمين".
وتابعت: واجب الشكر لنقيبنا الدكتور اشرف ذكي و الوكيل الأخ و الصديق العزيز ايهاب فهمي و الجميلة الخدومة نهال عنبر اللي كانوا متابعين معايا حالة ماما كل ساعة أو اتنين و لا انسي ابدا وقفة اختي الحبيبة نشوي مصطفي و سؤال الغالية وفاء عامر و حبيبتي طنط راوية سعيد و احمد صيام و رشا سامي و نسرينا و صبري عبد المنعم و محمود عامر و نص فنانين مصر اللي لم اذكر اسمهم سامحوني انا ماكنتش مركزة بجد و روحي كانت ضايعة مني".
وأضافت: اجي بقي للأهل و الأصدقاء اشكر عمامي فرد فرد ل اهتمامهم و وقوفهم جمبي و عمتي روح قلبي اللي عمر ما لجأت لها و خذلتني و اخويا الجميل خالد و أصحابي الجدعان سواء من الوسط او خارجه و اقاربنا و كل محبين أمي اللي دعواتهم غرقت صفحتي و جميع المواقع، علي رأس القائمة شكرا لخالتي شادية أمي التانية اللي طول عمري مستحملاني و شايلاني ب كل مشاكلي و مشاكل اولادي كمان و مش بتتبري مني من كتر ما بتعبها معايا ????.
واختتمت كاتبة: و زي ما فاكرة الجدعان مش هانسي ابدا الاندال اللي ياما انا شخصيا كنت جدعة معاهم و وقفت جمبهم و استكن استكتروا حتي مكالمة .. فعلا الناس بتبان في المواقف الصعبة.
يذكر ان نادية شكري شاركت في مسرحيتين الأولى هي "الأمير الصغير"، والثانية هى "السيرك" ثم شاركت في فيلم " عسل الحب المر" مع الفنان نور الشريف، واشتهرت بدور "سوسو" في مسرحية "العيال كبرت" مع الفنان سعيد صالح وأحمد زكي ويونس شلبي.
