محمد العدل مهاجمًا حلا شيحة: متقوليش عايزة أمثل تاني

هاجم المخرج محمد جمال العدل الفنانة حلا شيحة بعد أن هاجمت النجم تامر حسني وأعلنت تبرأها من فيلم "مش أنا".

وكتب "العدل" عبر حسابه الشخصي على موقع التواصل الاجتماعي "فيس بوك": "ياريت بس لما تطلقي مترجعيش تقولي عايزة أمثل تاني يا استاذة حلا".

يذكر أن حلا شيحة قامت بمهاجمة الفنان تامر حسني من خلال رسالة عبر حسابها على موقع إنستجرام، قائلة: " أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصا بعد آخر بوست نزلته ووضحت فيه أنا إيه".

وتابعت "حلا": "اتفاجئت أكثر خصوصا بعد وعد تامر حسني ليا وتأكيده أنه هيحترم رغبتي وبعض الطلبات اللي طلبته منه بكل احترام وود الصيف اللي فات وأكدلي أنه حيحترم رغبتي.. إحنا يمكن نجحنا بمقاييس ربنا إحنا لم ولن ننجح".

وأضافت: "أنا عارفة ومتأكدة إن زملائي جواهم خير بس للأسف فتنة الشهرة، والنجاح مش بيخلينا نشوف ونقيس الأمور صح بتكلم من قلبي.. الكليب ده ميرضيش ربنا وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها، وكلنا بنغلط علشان احنا بشر بس المصيبة اننا بنغفل وبننسى".