ميمي جمال تكشف عن رغبتها في العودة للتمثيل

كشفت الفنانة ميمي جمال رغبتها في العودة للتمثيل، وذلك من خلال دور مؤثر يناسبها، بعد قرار الاعتزال الذي اتخذته بعد رحيل زوجها، الفنان حسن مصطفى.

وقالت ميمي جمال: "أنا بقالي فترة بعد ما طبعا ظروفي اتحسنت، وبناتي كل واحدة في بيتها، وأنا لقيت ممكن أشتغل. أولا بدل ما أنا قاعدة لوحدي مبعملش حاجة. بالعكس، أنا بحب التمثيل جدا من صغري، تحسي زي ما يكون سمكة خرجت من المية عايزة ترجع تاني."

وكشفت ميمي جمال عن تلقيها عرضا بالمشاركة في مسلسل من إخراج محمد النقلي، تشارك في بطولته الفنانة سوسن بدر.

وعن هذا الدور قالت: "الفترة اللي فاتت اتعرض عليا مسلسل وأنا قريته ومكانش عندي مانع. بس الدور بالنسبالي مش هو اللي أنا أرجع بيه، عايزة أرجع بحاجة أحسن شوية. لكن المسلسل جميل جدا، وربنا يوفق أستاذ محمد النقلي، ومدام سوسن البدر، وكل الموجودين في المسلسل."

وعن وجود شخصية معينة ترغب في تجسيدها، قالت: "لأ مش شخصية معينة، لإن أنا اشتغلت شخصيات كتير. أنا عايزة الدور يبقى مؤثر وله تواجد أكتر، زي شغلي قبل كده."