”عمري ما اتريقت على حد سليم علشان أتريق على مريض”.. تامر عاشور يرد على انتقادات صورته مع مريضة السرطان
خرج الفنان تامر عاشور عن صمته ليرد على الإنتقادات اللاذعة التي تعرض لها بسبب تعليقه على صورته التي نشرها مع طفلة مصابة بالسرطان وفسر البعض أنه يسخر منها، لذلك حرص على توضيح الصورة كاملة أمام جمهوره.
حيث كتب قائلًا: "صباح الخير أنا طول حياتي ومشواري عمري ما اتريقت على حد سليم علشان أتريق على مريض حاش لله واللي خد كلامي على إنه تريقه على مريض، نفوسهم ضعيفه وهم اللي مرضى بيفرقوا بين المريض والشخص الطبيعي".
وتابع: "لو نزلت صورتي مع اي طفل اللي هو غير مُكلف بالصيام وقولتله ب أي طريقه متشربش مياه قدامي يا فاطر أو خد دي يا فاطر انا صايم حد هيتكلم مستحيل علشان طفل طبيعي لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا".
وأضاف:" المرض الحقيقي هو التفرقه بين اطفالنا اللي بصحه جيده ربنا يديهم كل الصحه واطفالنا اللي ربنا اختارهم للمرض المرض الحقيقي هو ان فكره المعايره جاتلك قبل ١٠٠ فكره تانيه ممكن تجيلك من جمال البنت وضحكها وبهجه الصورة وللأسف شوفت كمان حاجه غريبه جدا ناس كتير قوي محسوبين على "هامش هامش هامش المجال الفني " عمرهم ما شافو مني حاجه وحشه غير إني مباديهمش مواعيد لاقيتلهم تعليقات كأنهم ما صدقوا لاقولي غلطه وأنصحهم العمر بيجري حاولوا تعملوا حاجه لنفسكم أولى" .
واختتم حديثه قائلًا: "البنت اللي في الصوره فضلت ف حضني طول تصوير الاعلان وبحبها جدا جدا ومتفقين انا وهي على حاجات كتير قوي قوي هنعملها".
وبدأت القصة عندما نشر تامر عاشور صورة من آخر إعلان خيري ظهر به، وهو يجلس أمام فتاة مريضة بالسرطان أنهك المرض جسدها وجعل لون وجهها شاحب، مع تساقط شعرها التي أخفته خلف حجاب أزرق اللون، وكذلك أسقط شعر الحواجب ويظهر بالصورة وهو يمد يده لها حاملًا برتقالة يعطيها له، وكتب قائلًا: "لا خدي انتي أنا صايم يا فاطرة !"، ليتصدر بعدها مواقع التواصل الإجتماعي لسوء التهذيب في كتابة وصف الصورة حتى لو على سبيل المزاح".
