التمثيل في رمضان حرام.. ميار الببلاوي ترد على هجوم نشوى مصطفى :محدش بياخد رزق حد ربنا يهديكي
قامت الفنانة ميار الببلاوي بالرد على هجوم الفنانة نشوى مصطفى الذي شنته مؤخرا عليها من خلال منشور انتقدت فيه مشاركتها في أحد الأعمال الفنية التي ستعرض في رمضان المقبل، وعبر حسابها على موقع التواصل الاجتماعي "فيسبوك"، أبدت ميار الببلاوي اندهاشها من هجوم الفنانة نشوى مصطفى وكتبت "أتفاجئت من بعض المتابعين ليا على الفيس بوك بعتولى اسكرينه بكلام منشور من زميلة محترمة بتروج اشاعه معرفش ايه مصدرها ولأن مش متابعاها للاسف مخدش بالى انا معرفش هى بتتكلم عن ايه بس انا لاتعليق ولازم كلنا نفهم أن محدش بياخد رزق حد وكله بأيد ربنا واحتراما لروح الزاملة اللى بينا والايام الفضيلة اللى احنا فيها لا تعليق على كلامك واتمنالك الهداية".
وكانت الفنانة نشوى مصطفى انتقدت ظهور ميار الببلاوي في عمل فني في الموسم الرمضاني المقبل، وذلك بعد أن هاجمت الأخيرة أهل الفن العام الماضي لانشغالهم في تصوير المسلسلات في شهر رمضان باعتباره من اللهو.
وكتبت نشوى عبر حسابها "السنة اللي فاتت في نفس التوقيت زميلة عزيزة محجبة قالت نصاً أي ممثل بيشتغل في رمضان حرام عليكم سيبوا لنا رمضان نتعبد فيه واستعدت الناس على زمايلها اللي بيمثلوا مسلسلات رمضان وزعلت منى لما دخلت عاتبتها، الدهشة إنها السنة دي مشتركة في مسلسل بتمثله دلوقتي هيتذاع في رمضان".
ولم تكن هذه المرة الاولى التي تتعرض فيها ميار الببلاوي للهجوم من قبل نشوى مصطفى ففي العام الماضي هاجمتها بسبب تهكمها على أهل الفن المشاركين في موسم رمضان 2020 وبخاصة الفنانة دينا.
وفي منشور لها قالت نشوى مصطفى "ودي زميلة ممثلة ومش معتزلة على فكرة لأن قريب كانت بتمثل عادي، والأخت مش عارفة إنه حرام تغتاب زميلة ليها وحاطة صورتها.. لا حول ولا قوة إلا بالله""، هو أنتي يا ميار اعتزلتي التمثيل؟ أصلك لحد قريب كنت عارفة أنك بتمثلي عادي حتى لو في رمضان.. وبعدين الممثلين يضيعوا عليكي رمضان ليه؟ أنتي عاقلة بالغة وبعدين ياستي اجتهدي وقاومي زمايلك الشياطين اللي بيلهوكي عن عباداتك علشان الجهاد ثوابه كبير ربنا يرزقك الجنة ويهدي زمايلك الأشرار.. يا ميار حرام تستعدي الناس على زمايلك وتقولي للناس مين معايا".
