النيران تلتهم سيارة اليوتيوبر أحمد حسن والجمهور : دي إشتغالة وبلاش الشو
تصدر اليوتيوبر أحمد حسن، وزوجته زينب مواقع التواصل الإجتماعي بعد بث مباشر نشره عبر صفحته الرسمية على موقع «فيسبوك»، يظهر من خلال اشتعال النيران في سيارته الجديدة أعلى الطريق الدائري، وذلك خلال تواجده مع زوجته وابنته بداخلها.
وقال «حسن» في الفيديو: «يا جماعة دي عربيتي ماشي بيها أنا ومراتي زينب وبنتي وراكب العربية فجأة طلعت دخان وولعت بينا واحنا في الطريق، العربية دي تمنها مليون جنيه وبقت كوم تراب، بتولع واحنا ماشيين في الطريق جواها».
وأضاف: «الحمد لله لحقنا نفسنا، ونزلنا منها قبل ما تولع كدة أو تنفجر بينا، حسبي الله ونعم الوكيل فوضت أمري لربنا، العربية طلعت دخان في الأول ركنت على جنب نزلت أنا ومراتي وبنتي فالعربية ولعت».
وتفاعل الكثير مع الفيديو بأشكال مختلفة منهم من تعاطف معه ودعا له، ومنهم من قال أنه اشتغالة وشو لكسب تعاطف الناس ومشاهدات وجاءت التعليقات كالأتي :" هو فيه واحد عربيته بتولع يقوم يصور بدل م يشوف المصيببه اللي هو فيها هو الواحد..." وأضاف آخر : "يعنى انت كل اللى شاغل بالك نوع العربيه وتمنها يا عم ما تحمد ربنا انك بخير انت ومراتك وبنتك وبلاش الشو اللى كل دماغك ده انت انسان مستفز جدا عمال تعيد فى نوع العربيه وفى تمنها ما فداهيه اي حاجه بعد بنتك ومراتك".
