ارحمونا وبلاش هري.. لقاء الخميسي تدافع عن الجونة بعد إنتشار كورونا وسط النجوم

أكدت الفنانة لقاء الخميسي أن إدارة مهرجان الجونة اتخذت كافة الإجراءات الإحترازية في التعامل مع فيروس كورونا من خلال منشور لها عبر حسابها الشخصي على موقع التواصل الاجتماعي فيس بوك.

وكتبت "الخميسي": علشان نبقى واضحين وعلى نور، مهرجان الجونة كان منظم ومحدد.. حالات الكورونا اللي ظهرت ملهاش دعوة بفاعليات المهرجان ولا الافلام ولا الندوات ولا ليها علاقة من قريب أو بعيد بالمهرجان، مش اي هري وخلاص كل حاجة كانت منظمة والكل بيدخل بكمامة والندوات والفعاليات بالكمامة".

وتابعت: "السجادة الحمراء اللي النجوم مشيوعليها ماكانتش زحمه ولا الناس قريبه من بعض حتى العربيات اللي بتحرك الناس كانت دخولها بكمامةَ! المهرجان عمل اللي عليه وزيادة وكان محافظ على القواعد والاجراءات الاحترازية".

واختتمت قائلة: "وبعد كده التجمعات اللي مالهاش علاقة بفعاليات المهرجان مش مسؤولية مهرجان الجونة بل هي مسؤولية الاشخاص اللي اختاروا يحضروها مسئولية ذاتية.. مش لازم نبقى متخصصين في تشويه اي حاجة حلوة بتتعمل في البلد، ارحمونا واسكتوا شوية وبلاش هري على المهرجانات والفنانين والفن.. لقد هرمنا".

جدير بالذكر أن عدد كبير من نجوم الفن قد أعلنوا فور عودتهم مباشرة من مهرجان الجونة السينمائي في دورته الرابعة بإصابتهم بفيروس كورونا المستجد كوفيد 19 ومنهم أحمد داوود وزوجته علا رشدي وزينب غريب وبسمة وريم العدل وسارة عبد الرحمن وآخرون.