ورطة في اتحاد الكرة بسبب فيتوريا.. شوبير يفجرها
كشف الإعلامي أحمد شوبير حارس مرمى منتخب مصر والنادي الأهلي السابق، تطورات أزمة البرتغالي روي فيتوريا مدرب منتخب مصر السابق، بعد اللجوء لـ فيفا وشكوى الجبلاية رسميًا.
وقال شوبير في تصريحاته الإذاعية:" ناشدنا قبل كده في أكتر من مرة، إن ندفع الفلوس لـ روي فيتوريا ونخلص، وقلنا برضو إن الرجل عنده محامي شاطر وكان لسة كسبان قضية من النصر السعودي، محدش سمع الكلام".
وأضاف:" الرجل كان له تقريبا حوالي 430 ألف دولار أو يورو، واتحاد الكرة قالك هنستند على أي حاجة وثغرات في العقد وكلام من هذا القبيل، وبعد ما غلبوا ومعرفوش يتوصلوا لحاجة قالك هنبعتله الفلوس خلاص ".
اتحاد الكرة يتورط في 250 مليون جنيه
وتابع شوبير:" الجديد في حوار فيتوريا ده، أو المصيبة السودة إننا هنلبس تقريبا في 5 ملايين دولار، تقريبا 250 مليون جنيه، بعد ما الرجل قرر إنه يقدم شكوى خلاص، الموضوع كان في إيدنا والرجل كان طالب 70 ألف دولار إضافية، بس بعد فسخ التعاقد، لكن الاتحاد رفض".
وأردف:" بعتنا للرجل الـ430 ألف دولار اه، لكن مبعتناش مخالصة، وربنا يستر بعد الشكوى اللي الرجل قدمها، احنا في كارثة بكل ما تحمله الكلمة من معنى".
اقرأ أيضا..
