والدة فارس: ابني راح غدر بسبب 7 جنيه.. تفاصيل مثيرة في واقعة الغربية
شهدت مدينة طنطا التابعة لمحافظة الغربية واقعة مأساوية ومؤلمة بمصرع الشاب فارس يبلغ من العمر 20 عاما على يد جاره الذي تربى معه وكان أقرب الناس وبسبب 7 جنيه.
مصرع فارس على يد جاره بسبب ركوب زبون في الغربية
وقالت والدة فارس ضحيه الغدر : أنا ابني كان بيكافح من أجل الانفاق علينا انا وشقيقه هو أنهى دراسته وحصل على الثانوية الفنية وبدأ يشتغل ويصرف علينا اشتغل على "توك توك"، وكان بيحهز علشان يتجوز فتاة بيحبها من أيام الدراسة وذهبت إلى أهلها واتفقت على خطبتها وحتى عزمت الناس من أجل حضور فرحه كنت بتمنى افرح بيه.
وتابعت والدة فارس ضحية جاره بالغربية : المتهم جالي المنزل وهددني ان هيحزني على ابني وانا هديته وقولتله انتم اخوات متربين سووا وانا اللي ربتكم وأخبرته أن هتكلم مع ابني ومش هخلي يضايقه تاني لما جهه ابني سألته ايه اللي حصل قالي ياماما انا معملتش حاجه انا ركبت زبون والمتهم سائق توك توك، واختلف معه على ركوب زبون معه أخذه وذهب لتوصيله، فطلبت منه أن يأخذ ثمن التوصيلة حتى لا يتشاجر مع ابني قالي لاء مش عايز حاجه بس لو ضايقني مرة تانيه هحزنك عليه وسابني ومشي.
والدة فارس قتل ابني علشان 7 جنيه وقالي هحسرك عليه
وأضافت والدة فارس ضحية جاره بالغربية: انا مكنتش اتوقع ان هيعمل كدة في ابني ويغدر بيه وينهي حياته انا كلمت ابني قالي انه رايح الجراج يركن التوك توك ويجي قبل أن يطرق الباب ابني لقيت أصدقائه بيطلبوا مني افتح الباب فتحت لقيت ابني وغارق في دمائه واخدوا وذهبوا إلى المستشفى.. المتهم راح انتظره ابني أمام الجراج وتشاجر معه بالرغم من أن ابني أخبره أنه لا يريد التشاجر معه ولكنه كان مصمم يتخانق معاه وبالفعل قام بطعنه عدة طعنات نافذة أودت بحياته، بطالب بالقصاص ابني راح غدر حسبي الله ونعم الوكيل ابني ضحية الغدر.
