فرحه كان خامس يوم العيد.. شريف اتغدر بيه بطلقة خرطوش.. ووالده يروي تفاصيل مبكية في إمبابة
كواليس جديدة يكشفها والد المجني عليه الشهير "شريف عضلات" ضحيه شقيقه.. ابني كان خارج من المسجد واتغدر بيه بطلقة خرطوش وفرحه كان خامس أيام العيد تلك الكلمات من والد المجني عليه يروي تفاصيل مبكية في منطقة إمبابة المنيرة الغربية التابعة لمحافظة الجيزة.
فرحه كان خامس يوم العيد..ابني اتغدر بيه بطلقة خرطوش
قال والد المجني عليه شريف عضلات: الحكاية بدأت في يوم بعد الفطار ابني الصغير كان رايح يجيب عصير والمتهم كان بيمشي بسرعه علشان يعاكس إحدى السيدات وكان معاه كلب صغير وابني الصغير شافه بيعاكس فتاة قاله عيب كدة دول زي اخواتنا طبعا الكلام معجبش سونا المتهم وحصل بينهما مشدة كلاميه والموضوع خلص والمجني عليه شريف الله يرحمه ادخل لحل الموضوع.
وتابع والد المجني عليه شريف عضلات: أصحاب ابني قاله لشريف هنجيب الشباب ونرضيهم مع بعض علشان ميحصلش مشاكل تاني بس هنقعد بعد الفجر علشان الدنيا تكون هادية وميحصلش مشاجرة وبالفعل اتجمعوا بعد الفجر كان شريف خلص صلاة والمتهم "سونا" كان جاي وماسك السيجارة في ايده وشريف ابني قاله ارمي السيجارة احنا لسه خارجين من صلاة الفجر حرام عليك احنا في رمضان واخدوا على جنب بعيد عن مجلس رجاله ونصحه بلاش تعمل كدة خليك شاب صالح انت لسه خارج من الحبس واتقى الله في نفسك وأثناء كلامهم المتهم فتح سلاح أبيض " مطوة" على شريف ابني راح شريف اخد منه المطوة وقال للناس اللي جاين يحلوا الموضوع شايفين اللي جايبنا يصلح اخويا ويراضيني بيفتح عليا المطوة المهم شريف اخد المتهم ومشي قاله تعالى اطلعك من المنطقة علشان أصحابي ميحصلش بينكم مشاجرة وبالفعل مشي والموضوع خلص..
والد شريف ابني اتقتل وهو خارج من المسجد بعد الصلاة
وإضاف والد المجني عليه شريف عضلات: شريف ابني طلع وكل واحد راح بيته اتفجأنا الساعة 7 الصبح المتهم جاي ومعاه صواريخ وشماريخ وبيزعق انزلي يا شريف الناس صحيت على الأصوات المهم انا خوفت على عيالي قولتلهم مفيش نزول وقفلت الباب بالمفتاح وقولت لشريف ابني روح القسم بلغ عنه وفرغ كاميرات المراقبة لان ما ده مسجل لكن ابني قال لاء يابابا ده لسه خارج من الحبس هو هتلاقي شارب ولما يفوق أصحابي هيجيبه سونه ونقعد ونتكلم ربنا يهدي.
واستكمل والد المجني عليه شريف عضلات: باليل شريف راح يصلي العشاء وهو خارج من المسجد سمع أصوات صواريخ وضرب نار طلع يجري خوفا على اخواته ووالدته شاف سونه قاله انت بتعمل ايه راح سونا قاله انا جايلك انت وكان قريب منه ضربه بطلقة خرطوش جات في شرييين القلب المهم اخواته اخدوا في توكتوك وجريوا على المستشفى وأول ما وصلوا كان ابني مات هما كانه فاكرين إصابة لان محدش سمع صوت الطلقة لانها كانت قريبه منه.
شريف بدل ما يلبس بدله فرحه لبس بدله كفنه حسبي الله ونعم الوكيل
أنهى الحديث والد المجني عليه شريف عضلات : انا الخبر جالي من خطيبه ابني شريف ألحق ياعمو شريف اتصاب لان واقع على الأرض وجريت لقيت ابني مات انا مش عايز غير حق ابني ده كان فرحه خامس يوم العيد بدل ما يبلس بدله فرحه لبس بدله كفنه اتا بطلب القصاص حسبي الله ونعم الوكيل.
كانت البداية عندما تلقت الأجهزة الأمنية بمديرية أمن الجيزة، إخطارا من العقيد وليد سميح مأمور القسم بلاغا يفيد بمصرع شريف عضلات في منطقه المنيرة الغربية بامبابة التابعة لمحافظة الجيزة.
وعلى الفور انتقلت قوة أمنية بقيادة المقدم مصطفى الدكر رئيس مباحث قسم إمبابة المنيرة الغربية والنقيب أحمد سرحان معاوني مباحث قسم إمبابة إلى مكان الواقعة وبالفحص والمعاينة تبين أن مصرع شريف عضلات بطلق ناري خرطوش وعلى الفور لفظ أنفاسه الأخيرة متأثرا بجراحه وتم نقل الجثمان إلى مشرحة المستشفى تحت تصرف من النيابة العامة.
ضبط المتهم وبحوزته السلاح المضبوط وبمواجهه أعترف بإرتكاب الواقعة
وعقب تقنين الإجراءات القانونية تمكن المقدم مصطفى الدكر رئيس مباحث قسم إمبابة المنيرة الغربية والنقيب أحمد سرحان معاون مباحث قسم إمبابة من ضبط المتهم وبمواجهته إعترف بإرتكابه الواقعة وتم وأرشد على سلاح ناري خرطوش وتم التحفظ عليه وتم إتخاذ الإجراءات القانونية وتولت النيابة العامة التحقيقات حول الواقعة وتفريغ كاميرات المراقبة محل الواقعة.
وكلفت النيابة العامة بالجيزة، الطبيب الشرعى بتوقيع الصفة. التشريحية على جثة شريف عضلات التي لقى مصرعه بطلق ناري، بسبب خلافات مع عاطل لبيان سبب الوفاة، وبيان ما بها من إصابات، وتحديد سبب الوفاة وكيفية حدوثها.
اقرأ أيضا..ركوب التريند و5 ملايين جنيه .. لغز كبير في مقتل طفل شبرا على إيد جاره
