محمود راح غدر بسبب 5 جنيه على يد عاطل بسلاح أبيض

شهدت منطقة السلام واقعة مأساوية مصرع "محمود" الذي خرج للعمل الذي من خلاله يوفر احتياجات أسرته الصغيرة وأثناء وقوفه على عربة الأكل نشبت مشادة كلاميه بينه وبين عاطل بسبب خمسه جنيه ثمن قارورة مياه وتم فض العتاب بينهما حيث رجه المتهم وانهال على المجني عليه بسلاح أبيض "سكين" سقط جثة هامدة إثر طعنة في القلب وعلى الفور لفظ أنفاسه الأخيرة متأثرا بجراحه.

تفاصيل الواقعة مصرع بائع كبدة كاملة

ترصد لنا زوجة المجني عليه تفاصيل الواقعة مأساوية حيث قالت: زوجي ثان أيام العيد خرج على شغاله وانا اخدت اولادي وروحنا عند أهلي بعدها جالي تليفون ساعة التاسعة مساء أن زوجي اتقتل في موقف السلام انا مبقتش مصدقه ان ده حصل هو كان معانا الصبح وكان كويس بس انا كنت حاسه وقلبي مقبوض ذنبه ايه يموت غدر دمر أسرة كاملة وسبب 5 جنيه حسبي الله ونعم الوكيل وأفوض أمري إلى الله عايزة حق زوجي بطلب القصاص.

وأضافت زوجة المجني عليه: اللي حصل أن زوجي كان واقف على عربية الكبدة وفي واحد اسمه محمد بيبيع مايه للناس إجباري وبلطجة والناس مغلوبه على أمرها في اليوم ده جهه لزوجي محمود واديلو 2 قارورة مياه ومحمود جاي يحسبوا قالو لاء انا اديتك 4 قارورة مياه زوجي قالوا لاء دول 2 قارورة وكل الناس قالت كدة انت فضيت 2 قارورة مياه واتعاتبو والناس قالت للمتهم آخر اليوم لما ربنا يرزق محمود هيبقى يحاسبك وخلاص الموضوع خلص وزوجي واقف يشوف شغلوا ومفكرش في غدر قال خلاص المتهم مكملش ساعة وجهه اخد سلاح أبيض سكين من على عربية محمود بيشتغل بيها وطعنه في قلبه محمود نزل على الأرض جثة هامدة وأخد إصابة في رأس ولفظ أنفاسه الأخيرة.

مصرع بائع كبدة على مسجل بسبب 5 جنيه في السلام

وتابعت زوجة المجني عليه: المتهم عارف هو بيعمل ايه وطعنه في القلب هي طعنه واحدة وزوجي نزل على الأرض جثة هامدة وجري في الشارع وفضل يقول انا قتلتوا انا قتلوا والناس جريت وراه ومسكوا والحكومة جات اخدته واعترف أنه قتلوا علشان 5 جنيه انا عايزة حق زوجي ده كان نفسه يشوف أولاده حاجه كبيرة معانا 4 أولاد وانا ربة منزل زوجي بقاله 24 سنة في شغلانه دي وفي حاله محبوب من كل الناس.

وقالت والدة المجني عليه: انا آخر مره شوفت ابني كان ثان أيام العيد كان بيسلم عليا ونزل على شغله وبعدها لقيت ابن ابني بيقولي الحقي ياستي عمي محمود مات بقيت اجري مش عارفه ازاي عايزة اشوف ابني فين وازاي مبقتش مصدقه روحت شوفت ابني جثة هامدة على الأرض وسايح في دمه كان قلبي حاسس ومقبوض أن ابني حبيبي هيحصلوا حاجه انا حلمت بإبني بعد موته جايلي في الحلم بنفس البس وسمعت صوته واختفى انا عايزة حقه وقلبي ناره تبرد قلبي محروق اوووي بطالب بالقصاص يتعدم زي ما ابني مات قدام الناس ابني قبل ما يموت كان طالب من شقيقه يجبلوا 2 انبوبه علشان يشتغل ملحقش ياقلب أمه يشتغل ربنا يرحمك يا حبيبي وحقك هيرجع بإذن الله.

ابني راح غدر ودمر أسرة كاملة علشان 5 جنيه

حيث كانت البداية عندما تلقى قسم شرطة السلام أول بالقاهرة بلاغًا من أحد الأهالي يفيد بمقتل بائع طعام كبدة يدعى" محمود" على يد عاطل بطعنة نافذة في القلب ولفظ أنفاسه الأخيرة.

وعلى الفور انتقل رجال المباحث إلى مكان الواقعة برافقه سيارة الإسعاف وبالفحص والتحريات وتفريغ كاميرات المراقبة تبين أن مصرع المجني عليه على يد عاطل بسلاح أبيض سكين وتم نقل الجثمان إلى مشرحه المستشفى تحت تصرف النيابة العامة.

وعقب تقنين الإجراءات القانونية تم إلقاء القبض على المتهم وبمواجهته اعترف بارتكاب الواقعة وتم تحرير محضر بالواقعة وتولت النيابة العامة التحقيقات.

اقرأ أيضا.. القصة الكاملة لمصرع مسن على يد مريض نفسي بالدقهلية

مصرع شخصين إثر انفجار أسطوانة أكسجين داخل ورشة لحام في أسيوط