فيديو.. طفلة تسأل «ليه مش بنشوف ربنا؟».. علي جمعة يجيب
ورد سؤال من طفلة إلي الدكتور علي جمعة، مفتي الديار المصرية السابق، يقول: ليه مش بنشوف ربنا؟.
علي جمعة في برنامج نور الدين
وقال الدكتور علي جمعة، مفتي الديار المصرية السابق، خلال حلقة برنامج "نور الدين"، المذاع على قنوات الشركة المتحدة، اليوم الخميس: "ربنا خارج الدائرة، هل إحنا نقدر نشوف أمواج الردار، أو تيار الأشعة اللى بعمل بها حاجات فى جسمنا، الإنسان بيشوف بعين والضوء وبينعكش على الحاجة، طيب فين الضوء اللى هينعكس على ربنا".
علي جمعة يوضح "ازاي نشوف ربنا"
وتابع: "الضوء لا ينفع يتسلط على أى حاجة، وربنا ليس مخلوق ومش ممكن يكون مخلوق، ربنا خارج الدائرة الكونية التى فيها، التى فيها كل المخلوقات، ويوم القيامة هنكون على طرف الدائرة وساعتها هنشوف ربنا بس إزاى منعرفش يبقى كل اللى علينا نعمل عمل صالح علشان نشوف ربنا ".
حوار الأطفال والكبار عن الدين مع علي جمعة
برنامج نور الدين، الذى يعرض على قنوات الشركة المتحدة، يفتح حوارا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها، ويرد على أسئلة للمرة الأولى علي لسان أطفال صغار، دومًا ما يسألوها لأهاليهم الذين يجدوا نفسهم في حيرة من أمثلة فين ربنا، مش بنشوفه ليه، وغيرها من الأمور الذي يقف الآباء أمامها في حيرة شديدة دون إجابة ما جعل البرنامج محل ترقب سواء للأهالي الذين ينتظرونه لفهم الإجابة الصحيحة، أو الأبناء الذين سيجدون في البرنامج فهمًا لما يحاولوا معرفته ويثبتهم بصورة صحيحة ما يبني عندهم وعيًا ويقينًا.
اقرأ أيضا:
