مى فاروق : كرهت الغناء وأفكر في الإعتزال بسبب ”الشللية”
فاجأت الفنانة مي فاروق، جمهورها ومتابعيها بقرار ندمها علي العمل في المجال الفني وتفكيرها الاعتزال، بسبب الملل من الوسط الفني، مؤكدة أنها أصبحت تشعر بـ«الزهق» من الوسط وأوشكت على كراهية الغناء التي طالما أبدعت فيه وذلك حسب ما كتبته عبر حسابها بموقع التواصل الاجتماعي «فيس بوك».
وكتبت مي فاروق، عبر حسابها بـ«فيس بوك» قائلة: "أنا بحب الغناء أوي ويمكن كلكم عارفين من امتى بدأت، ولو النهاردة واحد بس عارف مي فاروق، فده بفضل ربنا ووقفة أهلي ورايا".
وتابعت: "طول عمري لا لي شلة ولا صاحبة ده ولا بتقرب من ده عشان حاجة، كل محاولاتي كنت فيها أنا، لا فلان سندني ولا علان كان له فضل عليا، بس أحب أقول لكم إني زهقت جدًا".
واستطردت «والمجال ده محتاج شِلل وصحوبيات وأنا مش في الحتة دي ومبعرفش أتقرب من حد عشان مصلحة وطول ما أنا كده مش هقدر أوصل للي أنا عايزاه، ساعة الجد أنت اللي بتسعى وكمان بتحبط وأنا مفروض قوية ومش بستسلم ببساطة».
وأضافت، قائلة: «بس أنا قرفت وزهقت وقربت أكره الغناء نفسه اللي ربنا ميزني بيه وبفكر جديًا أبعد عنه تمامًا لأني فعلًا زهقت جدًا، وياريتني ما حبيت الغناء من صغري ولا كان لي فيه أصلًا».
طرحت مي فاروق أغنية جديدةتحمل اسم «يا طير»في شهر مارس كسرت حاجز المليون مشاهدة، وهي من كلمات الشاعر محم حسن معوض، وألحان سامر أبوطالب، وتوزيع عمر إسماعيل، والفيديو كليب من إخراج بتول عرفة.
